Lugo, 11 de decembro de 2019. A área de Deportes da Deputación de Lugo impulsa unha nova proba no calendario deportivo galego, o Ancares Cycling Marathon. Unha carreira de gran fondo que se celebrará o vindeiro 26 de xullo nos Ancares e que está chamada a converterse nun referente do ciclismo de alta montaña.
O deputado de Deportes Efrén Castro e o ex ciclista Ezequiel Mosquera, que lidera a organización do evento canda o Club Ciclista Cidade de Lugo, adiantaron que a proba terá a saída en Pedrafita e a chegada no Cebreiro. As inscricións para participar abriranse o vindeiro 29 de xaneiro, data en que se darán a coñecer os detalles do percorrido.
Ezequiel Mosquera indicou que os Ancares ofrecen un marco privilexiado para a celebración da proba “con paisaxes evocadoras, estradas con bo firme e pouco tráfico e múltiples opcións para deseñar un percorrido atrativo para os ciclistas”.
O corredor explicou que “o ciclismo de carretera e a montaña teñen cada vez máis adeptos” e que “a organización se porá a traballar co obxectivo de chegar ao milleiro de participantes”.
Impulso ao turismo deportivo
Efrén Castro subliñou que “o proxecto chega coa intención de quedarse” e remarcou “que o obxectivo é impulsar o turismo deportivo na zona durante o ano”. Así, avanzou que “se sinalizarán os portos, distancias e pendentes medias, creando un percorrido que os afeccionados ao ciclismo poidan empregar máis aló dese data”.
O deputado de Deportes “agradeceu a receptividade e colaboración” amosada polo alcalde de Pedrafita do Cebreiro e deputado provincial José Luis Raposo e pola subdelegada do goberno Isabel Rodríguez, que tamén participaron na presentación da proba.
O Ancares Cycling Maraton toma a remuda do Desafío Volta a Lugo, que se viña organizando nos últimos anos na provincia. O cambio de formato toma como referencia o xa consolidado Gran Fondo do Ézaro, tamén impulsado por Ezequiel Mosquera.
“Vimos a aportar o coñecemento acumulado no Ezaro para sacar adiante unha proba do mesmo nivel na outra esquina de Galicia e en alta montaña”, comparou o corredor.
A área de Deportes achegará 60.000 euros á organización do Ancares Cycling Marathon.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
