NOTA DE PRENSA
EN RESPOSTA AO BNG O COMPROMÉTESE A QUE O TRAZADO DA AUTOVÍA SAN CIBRAO-BARREIROS RESPECTARÁ A BASÍLICA DE SAN MARTIÑO DE MONDOÑEDO
O Ministerio de Fomento confírmalle ao BNG que actualmente está en contacto coa Dirección Xeral de Patrimonio da Xunta para acordar o trazado nese punto
Madrid, 6 de abril 2010 .- En resposta a unha iniciativa do portavoz do BNG no Congreso dos Deputados, Francisco Jorquera, o Ministerio de Fomento comprométese a que o trazado da autovía San Cibrao-Barreiros respectará a basílica de San Martiño de Mondoñedo.
Na súa iniciativa, Francisco Jorquera demandáballe ao Ministerio de Fomento a modificación da proposta de trazado da autovía Barreiros-San Cibrao a fin de evitar o tremendo impacto sobre a catedral de San Martiño de Mondoñedo. Ademais, o parlamentar nacionalista pedíalle ao Ministerio que tivese en conta as alegacións presentadas por diferentes colectivos e administracións á proposta de trazado da autovía ao seu paso pola parroquia de San Martiño de Mondoñedo.
Na súa resposta, o Goberno informa de que “actualmente o estudo informativo deste vial atópase en fase de redacción do informe de todas as alegacións recibidas, que xunto co Estudo de Impacto Ambiental redactado, ha de ser remitido ao Ministerio de Medio Ambiente e Medio Rural e Mariño, a efectos de que sexa emitida a preceptiva Declaración de Impacto Ambiental, previa á aprobación definitiva do Estado informativo, na que quedará establecido o trazado definitivo da nova autovía”.
No tocante á basílica de San Martiño de Mondoñedo, Monumento Histórico Artístico dende 1931, o Goberno asegura que “o Estudo informativo tivo presente, como é lóxico, a súa ubicación á hora de definir as distintas alternativas de trazado sometidas a información pública”.
En concreto, o Goberno asegura que “o Estudo informativo redactado ten en conta a delimitación da área de protección do monumento, e a opción seleccionada está fóra de dita zona, a 440 metros do monumento”.
En fase de negociación coa Xunta de Galiza
Neste sentido, o Ministerio de Fomento asegura que “tras a análise das alegacións recibidas, e moi especialmente a correspondente á Dirección Xeral de Patrimonio Cultural da Xunta de Galiza, estanse mantendo contactos con esa Dirección Xeral, tras os cales concluirase acerca do trazado nese punto, tendo en conta o axeitado respecto a este importante Ben de Interese Cultural e as esixencias de seguridade viaria, funcionalidade e respecto ao medio ambiente da futura autovía”.
Francisco Jorquera subliña que “o BNG manterase vixiante para que tanto o Ministerio de Fomento como a Xunta de Galiza cumpran co que se asegura nesta respecto de xeito que a futura autovía respecte esta xoia do patrimonio cultural galego”.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
