Burela, 22 de decembro, 2019. O Pescados Rubén Burela FS pechou os compromisos da xornada 15 esta mañá cunha vitoria contundente ante o novel Bilbo FS (2-7), nunha cita na que as locais incluso puideron empatar no inicio da segunda parte.
Malia que non dispuxeron de moito acerto de cara a portería, o dominio das galegas viuse recompensado con 0-2 de Peque e Luci, nos minutos 6 e 14, pero un Bilbo con moito ímpeto conseguiu chegar vivo ao descanso grazas ao tanto de Andrea no 19, nunha perda, e con revulsivo no reinicio con Almu, nun balón dividido. Con todo as burelistas non quixeron especular, deron un paso adiante en intensidade e recuperaron axiña a iniciativa no electrónico, con Jenny Lores, que ampliou a fenda co seu hattrick particular ata o 2-5, no 30 e 34. Ale de Paz, no 36, e Jenny, nos últimos compases, completaron a goleada.
Cilene, campioa de Copa América. A 6 burelista pechou ao grande o periplo en Copa América con Brasil, alzándose co título de campioa o venres ante Arxentina (4-1).
Copa da Raíña para estrear 2020. As Guerreiras estrearán o ano con oitavos de Copa da Raíña, o sábado 4, na pista do Viaxes Amarellle FSF (18.00 horas).
Ficha técnica
Bilbo FS: Jone, Pitxi, Jess, Almu, Andrea, cinco inicial; tamén xogaron Ixoe, Isa, Esti, Elena
Pescados Rubén Burela FS: Ana Romero, Cristina, Lara Balseiro, Ale de Paz, Jenny Lores, cinco inicial; tamén xogaron Peque, Jenny, Luci, Bea Mateos, Jozi
Goles: 0-1, minuto 6, Peque; 0-2, minuto 14, Luci; 1-2, minuto 19, Andrea; 2-2, minuto 21, Almu; 2-3, minuto 23, Jenny Lores; 2-4, minuto 30, Jenny Lores; 2-5, minuto 34, Jenny Lores; 2-6, minuto 36, Ale de Paz; 2-7, minuto 40, Jenny
Árbitros: De la Hoz Escudero // Herrero Fernández. Por Burela amarela a Bea Mateos (minuto 17), Ale de Paz (minuto 21), Peque (minuto 38).
Incidencias: Partido correspondente á xornada 15 de Primeira División disputado no pavillón San Ignacio
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
