RIBADEO .- O alcalde de Ribadeo, Fernando Suárez, presidiu esta tarde na Casa do Concello a inauguración das XVI Xornadas Mar por Medio, adicadas este ano ás relacións entre Galiza e Portugal. O rexedor dixo que “é evidente que compartimos con Portugal proximidades lingüísticas e potencialidades culturais, mais tamén o é que o descoñecemento da nosa realidade no país veciño é inmensa e dificulta calquera achegamento”.
O rexedor ribadense seguiu a dicir que “esta nova edición de Mar por Medio quere ser unha ferramenta útil na análise de en que medida o achegamento entre os nosos dous países é realmente posíbel no campo das industrias da cultura e da comunicación”.
No mesmo senso se expresou o director xeral de Creación e Difusión Cultural da Xunta, Luis Bará que tamén sinalou que “Ribadeo é o lugar máis distante de Galiza con Portugal, pero está moi próximo por esa vocación que sempre tivo de cidade aberta, hospitalaria… esa vontade de establecer pontes de comunicación con diferentes lugares do mundo”.
As Xornadas Mar por Medio analizaron durante varios anos as relacións de Galiza co Reino Unido, en 2007 fixérono con América e neste 2008 con Portugal.
Para mañá sábado están previstas tres mesas redondas: ás 10 da mañá analizaranse as propostas para unha ponte informativa por riba da fronteira; ás 12:30 os relatores falarán da cultura e mercado entre Galiza e Portugal; ás 16:30 será o momento para asistir ás presentación de proxectos culturais e ás 18:30 de espazos de programación. Xa ás oito e media da tarde no Auditorio Hernán Naval terá lugar o concerto de Aló Irmao a cargo de Fran Pérez e Manecas Costa.
Xa o domingo ás 10 da mañá terá lugar a última das conferencias que versará sobre a programación cultural e a circulación artística entre Galiza e Portugal. Para as 12 está prevista a clausura a cargo da concelleira de Cultura de Ribadeo, Mariluz Álvarez Lastra, e ás doce e media terá lugar un vis a vis con axentes culturais de Portugal no que participarán 25 profesionais galegos.
As Xornadas Mar por Medio desenvólvense no Parador de Turismo de Ribadeo e nelas participar preto de 100 persoas.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
