SANTIAGO .- Sen especificar cando, o Instituto Galego da Vivenda e Solo, anuncia que investirá 1,7 millóns de euros para construír 17 vivendas de promoción pública nunha parecela que lle cederá o Concello de Trabada.
REFERENCIA
O IGVS investirá máis de 1,7 millóns de euros na construción de vivendas de promoción pública en Trabada (Lugo)
*
A previsión é construír 17 vivendas de promoción pública en solo ofrecido polo Concello e cuxa cesión ao IGVS se tramita actualmente
*
O IGVS xa construíra en Trabada outras 18 vivendas, cun investimento de preto de 1,4 millóns de euros
*
A promoción pública de vivendas na Mariña desapareceu na anterior lexislatura, pasando de 276 vivendas iniciadas entre 2000 e 2005 a so 42 durante o goberno bipartito
Santiago, 8 de abril de 2010.- O Instituto Galego da Vivenda e Solo, dependente da Consellería de Medio Ambiente, Territorio e Infraestruturas, construirá 17 vivendas de promoción pública no concello lucense de Trabada, segundo indicou hoxe en Comisión parlamentaria o director xeral de dito organismo, Antonio Boné.
Para levar a cabo a construción das vivendas, para as que se prevé un investimento superior a 1,7 millóns de euros, é necesario previamente completar a cesión do solo ofrecido para tal fin polo Concello de Trabada. Neste senso, o Pleno do Concello aprobou no pasado mes de outubro a cesión ao IGVS dunha parcela para a construción das devanditas vivendas de promoción pública, cesión que se atopa en tramitación na actualidade. A parcela ofrecida polo Concello atópase ao lado doutra cedida con anterioridade e sobre a que o IGVS xa construíu outras 18 vivendas, ao abeiro dun expediente iniciado en 2002, nas que se investiron 1.382.583,42 euros.
O Instituto Galego da Vivenda e Solo aposta decididamente polo programa de vivenda de promoción pública, tanto de nova construción como rehabilitada, que se destina ás capas de poboación con menos recursos e, ao mesmo tempo, axudan a fixar poboación nas vilas do medio rural galego. Este programa foi abandonado polo anterior goberno, que se limitou na práctica a continuar cos proxectos que xa estaban iniciados sen, na meirande parte dos casos, chegar a rematalos.
Neste sentido os datos referentes á Mariña lucense son clarificadores, xa que mentres no período 2000-2005 se iniciaron 276 vivendas de promoción pública en once concellos da Mariña, baixo o goberno bipartito únicamente se iniciou un expediente no concello de Ribadeo con 42 vivendas. O investimento pasou de máis de 18 millóns de euros entre 2000 e 2005 a pouco máis de 2,5 millóns durante a pasada lexislatura.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
