Burela, 4 de xaneiro, 2020. O Pescados Rubén Burela FS cumpriu co segundo paso en Copa da Raíña impoñéndose en oitavos ao Viaxes Amarelle FSF, de Segunda, con portería laranxa a cero (0-6).
O luminoso púxose axiña do lado mariñán cun tanto en propia porta das coruñesas xa no minuto 2. As laranxas non conseguiron aliarse co acerto goleador ata a segunda parte; ao tanto temperán de Ale de Paz tras o descanso ampliaron ata o 0-5 en tan só dous minutos Cristina, por partida dobre, e Bea Mateos. Jenny Lores completou a goleada no ecuador do segundo acto co definitivo 0-6.
Resultados de oitavos:
1) UCAM El Pozo Murcia FS – Roldan STV 0 – 3
2) C.D.B. Almagro Futbol Sala – CD Futsi Atlético Navalcarnero 0 – 5
3) Viaxes Amarelle F.S. – Pescados Ruben Burela FS 0 – 6
4) Leganés FS – Penya Esplugues, Assoc. Esp. 3 – 3
5) Xaloc Alacant F.S. “A” – Universidad de Alicante 1 – 4
6) F.S.F. Móstoles – A.D. Alcorcón F.S 0 – 1
7) Bilbo F.S. – A.D. Sala Zaragoza F.S 1 – 5
Ficha técnica
Viaxes Amarelle FSF: Tami, Marta, Iru, Patri, Patri Alv., cinco inicial; tamén xogaron Inés, Zaida, Yaia, Mónica
Pescados Rubén Burela FS: Ana Romero, Peque, Jenny, Ale de Paz, Luci, cinco inicial; tamén xogaron Bea Mateos, Lara Balseiro, Cristina, Jenny Lores, Cilene, Jozi
Goles: 0-1, minuto 2, Patri (p.p.), 0-2, minuto 21, Ale de Paz; 0-3, minuto 23, Cristina; 0-4, minuto 24, Cristina; 0-5, minuto 25, Bea Mateos; 0-6, minuto 30, Jenny Lores
Árbitros: Martínez Torres // Roldán Pérez. Por Amarelle amarela a Patri Álv. (minuto 18) e vermella Tami (minuto 23). Por Burela amarela a Cristina (minuto 18), Jenny (minuto 23)
Incidencias: Partido correspondente a oitavos de Copa da Raíña disputado no Sagrada Familia da Coruña
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
