OLYMPUS DIGITAL CAMERA
Cervo, 13 de xaneiro de 2020. O BNG cervense constatou que persisten os problemas na xestión que a entidade “Mensajeros de la Paz” realiza por concesión da Residencia – Centro de Día de San Cibrao, de titularidade municipal. Diego Fernández e Xorxe Caldeiro, concelleiros nacionalistas, acusan ao goberno local de desentenderse destas irregularidades, ignorando as graves consecuencias que sobre as usuarias/os e traballadoras/es do centro teñen a mala praxis empresarial, as deficiencias de uso das instalacións, o caos organizativo, os abusos sobre o persoal e a falta de atención das persoas usuarias.
Deficiencias detectadas na inspección da Xunta aínda sen resolver
Diego Fernández e Xorxe Caldeiro explican que unha inspección da Consellería de Política Social realizada en outubro, días despois de que o BNG denunciara no pleno municipal problemas de xestión, constatou a existencia de até 10 deficiencias. Segundo o informe, “entre as deficiencias nas instalacións, atopáronse con timbres de chamada de emerxencia inaccesíbeis en baños comúns e de residentes, baños xeriátricos inutilizados por usarse para almacenamento de diverso material no segundo e terceiro andar, portas de emerxencia pechadas con bridas imposibilitando o seu normal uso en caso de necesidade, ou dous cuartos de residentes pechados por filtracións de auga nos seus baños, a pesar de que existe demanda de prazas e están impedindo dar servizo a persoas que o necesitan”, relatan. Amais desas, destacan a gravidade de que tamén se detectaran “faltas de valoración sanitaria de persoas usuarias que sufriron caídas”. A dirección do centro alegou, na súa contestación á Consellaría o pasado 21 de novembro, que estas deficiencias xa estaban corrixidas. Non obstante, algunhas permanecen sen resolver.
Abusos da dirección sobre o persoal que podería afectar á atención das persoas usuarias
Os concelleiros nacionalistas tamén acusaron á dirección da empresa de “caos organizativo e de xestión dos recursos humanos”. Segundo explicaron, chama a atención que “dende a apertura do centro cambiou case a totalidade do cadro de persoal (maioritariamente mulleres), nuns casos por renuncias e noutros por despedimentos, o cal pon en evidencia a nefasta xestión de persoal da dirección, que segue sen realizar cadrantes de quendas con antelación suficiente para permitir a conciliación persoal e laboral das traballadoras, dificulta e impide o desfrute das xornadas de libre disposición ás que se teñen dereito por convenio, toma represalias contra as traballadoras que demandan os seus dereitos e sobre todo, é incapaz de xestionar con eficacia as arredor de 30 persoas empregadas para crear un bo ambiente de traballo que poida transmitirse logo ás persoas usuarias a través duns coidados e atencións excelentes como as que se merecen”.
O Grupo Municipal do BNG presentará unha batería de preguntas no concello pedindo explicacións ao goberno local.
Por último, desde a formación nacionalista anunciaron a presentación dunha batería de preguntas no Concello co fin de verificar cal é o papel que xoga o goberno municipal neste desastre como titular das instalacións e administración máis próxima responsábel de velar polo bo funcionamento deste servizo. Diego Fernández acusou ao goberno municipal de “desentenderse da situación” desde o mes de outubro, cando a concelleira de Servizos Sociais Pilar Armada anunciara unha reunión co cadro de persoal como resposta ás denuncias que o BNG de Cervo realizara durante o pleno municipal. Porén, “tal reunión non se produciu, e os problemas que denunciamos no seu día seguen existindo e únenselles agora novos problemas”. O portavoz nacionalista insistiu en que o “Concello de Cervo ten que velar polo cumprimento da legalidade e as cláusulas da concesión por parte da empresa concesionaria, porque ademais de ser a súa obriga, no facelo ten consecuencias na calidade do servizo, concluíu Fernández.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
