Ribadeo, 13 de xaneiro de 2020. Máis de 3.000 persoas seguiron en directo o sorteo da IX Festa do Comercio, celebrado o pasado sábado na carpa instalada no parque de San Francisco. Acisa cualifica de auténtico éxito a cita.
O presidente de Acisa, Francisco Iriarte, subliñou que “daba vértigo ver desde o escenario a carpa chea de público e todo o exterior ateigado de xente. Nesta edición instalamos tres pantallas para seguir o sorteo, unha no interior da carpa e dúas no exterior e tamén son en varios altavoces para que todo o mundo seguise o sorteo en perfectas condicións. De feito a maioría das premiadas estaban a seguir o sorteo desde o exterior da carpa”.
O xerente, Jesús Pérez, dixo que “o Teatro quedábase pequeno para a Festa do Comercio e esta carpa de grandes dimensións tamén se queda reducida para acoller aos milleiros de persoas que cada ano se achegan a Ribadeo seguir o sorteo da Festa do Comercio. Estamos encantados porque as urnas enchéronse de papeletas e iso quere dicir que a xente veu a Ribadeo a facer as súas compras de Nadal e que elixiu a hostalería local para as súas celebracións”.
Iriarte engadiu que “o sorteo, un ano máis, foi rápido porque os tres premios presenciais apareceron rápido e á primeira. Contamos coas mans inocentes de tres nenas que foron introducidas na urna de grandes dimensións que instalamos no escenario e que foron extraendo as papeletas unha a unha. E despois como agradecemento levaron un pequeno agasallo de Acisa, un vale de 50 euros para gastar nalgún xogo ou en material escolar, por exemplo”.
Tanto o presidente coma o xerente de Acisa destacan “a labor do persoal do Concello de Ribadeo na preparación das instalacións así coma no transcurso do sorteo, foi moi importante para nos e tamén agradecemos a labor de El Farero Audiovisuales, que estivo á fronte da realización da gala”.
Premio non presencial
O primeiro non presencial, que se coñeceu mediante un programa informático, foi para o número 77.801. O posuidor ou posuidora desta papeleta dispón ata o día 17 de xaneiro para presentarse nas oficinas de Acisa Ribadeo e así cobrar o premio. De non personarse considerarase deserto.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
