Ribadeo, 21 de xaneiro, 2020. Os populares critican “o abandono” das estradas provinciais no termo municipal de Ribadeo e reivindican xunto aos veciños e veciñas de Arante e Santalla que o goberno bipartito da Deputación de Lugo acometa os traballos de mellora do firme e acondicionamento das vías LU-P-5204 e LU-P-5205.
O voceiro do Grupo Municipal do PP de Ribadeo, Daniel Vega, que visitou a zona acompañado do deputado provincial Javier Castiñeira, e o coordinador do rural do Partido Popular de Ribadeo, Inocencio Rodríguez, sinala que “estas estradas vertebran as parroquias do interior ribadense e comunican co municipio de Trabada” e, polo tanto, “son moi empregadas polos veciños e veciñas”. O popular lamenta que dende o goberno da Deputación acometan só o arranxo de partes destas vías de titularidade provincial e reclama dotación orzamentaria que permita a mellora da estrada na súa totalidade para dotar aos ribadenses dunhas vías de comunicación axeitadas e que garantan a súa seguridade. Por iso, Vega esixe que se arranxen “de inmediato” ao considerar “indignante” que se actúe nas vías de forma incompleta.
O voceiro popular proponlle ao presidenta da Deputación que “pasee menos e que dote de maior orzamento ás infraestruturas que son competencia do organismo provincial”. Nese sentido, agarda que “a resposta sexa positiva e que o goberno da Deputación non nos abandone outra vez máis”.
Javier Castiñeira tamén sinala que “a estrada provincial LU-P-5204 presenta moi mal estado nalgún dos seus tramos ao seu paso polas parroquias rurais de Ribadeo”. Concretamente, o deputado provincial sinala que “no quilómetro 3, na parroquia de Arante, o pavimento está fatal” e, polo tanto, entende que “o goberno da Deputación debe cumprir cos veciños de Ribadeo e arranxar esta estrada” porque, entre as súas competencias, atópase a de “vertebrar as zonas rurais e iso require do arranxo dos seus accesos”.
Castiñeira lamenta que “nesta estrada só se realizaran algúns apaños” e asegura que “faremos chegar á Deputación as queixas dos veciños de Ribadeo” tanto sobre o estado desta vía como da LU-P-5205 ao seu paso por Santalla. “A Deputación ten que tomar unha medida. Os veciños chámannos porque están fartos de pasar por estradas en moi malas condicións, incluso se inundan varias veces ao ano como é o caso desta última”, especifica.
Estradas provinciais da Mariña
O Grupo Provincial do PP ten introducido a debate no Pleno en varias ocasións o estado de conservación das estradas provinciais na comarca da Mariña. Sobre os problemas de seguridade na LU-P-5207 (Ribadeo-Vilela) advertiron os populares na sesión plenaria de marzo do 2019 cunha moción na que reivindicaron que a Deputación de Lugo incrementase os fondos para a conservación da Rede Viaria Provincial que foi aprobada por unanimidade.
Posteriormente, no mes de outubro do pasado ano, a través dun rogo, trasladaron a necesidade de mellorar e acondicionar a LU-P-6406 dende o Cristo da Portapena a Pontesegade, no termo municipal do Vicedo; e a LU-P-4404, ao seu paso por Riotorto.
Por outra banda, a pasada semana o deputado provincial e alcalde do Vicedo, Jesús Novo, facíase eco das queixas a taxista que cubre o servizo de transporte escolar no municipio de Ourol sobre o estado intransitable da estrada LU-P-3807, especialmente no tramo que vai de Fornos ata a LU-P-3805, porque afecta ao seu vehículo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
