Burela, 10 de febreiro de 2020. A ópera volve a Burela o 8 de marzo. Será con Rigoletto de Verdi a partires das sete da tarde na Casa da Cultura. As entradas saen á venta esta semana, a través da plataforma ataquilla.com. O concelleiro de Cultura, José Díaz, anima aos veciños e veciñas de Burela e da comarca da Mariña a achegarse a disfrutar deste espectáculo. É a quinta ópera da que gozará a localidade.
O edil burelés anunciou que “o próximo 8 de marzo, que coincide en domingo ás sete da tarde, imos ter unha vez máis, e é a quinta vez, unha ópera en Burela. Neste caso a compañía segue sendo a mesma que en todas as ocasións, porque estamos contentos con eles e coa calidade que nos traen, e será Concertlírica que nos traerá Rigoletto, unha ópera de Verdi que é unha das grandes e máis coñecidas, tanto de el como doutros autores”.
José Díaz explicou que “é unha ópera en tres actos. Vai haber dous descansos, un despois do primeiro acto e outro despois do segundo. O tempo total de ópera será arredor de cento cincuenta minutos. A compra de entradas vai ser igual que outras veces, a través da plataforma de ataquilla.com. O prezo consérvase, igual que todas as anteriores ocasións, en 18 euros en platea, 15 en anfiteatro 1 e 12 euros en anfiteatro 2. O día mesmo do evento haberá venta tamén na billeteira e neste caso o prezo será de 20 euros en platea, 18 en anfiteatro 1 e 15 euros en anfiteatro 2. Sempre recomendamos a todas aquelas persoas que saiban que poden asistir que compren as entradas por anticipado para aforrar algo de diñeiro. Son butacas numeradas”.
O concelleiro de Cultura agarda que “funcione igual que todas as veces anteriores, que volva encherse o auditorio. Sempre que temos ópera en Burela conseguimos eses cheos grazas á xente de toda A Mariña e de fora. Pensamos que é un bo día ese domingo 8 de marzo, así que invitamos a todos a asistir a este tipo de espectáculos que non temos a sorte de poder gozar con demasiada frecuencia na zona nosa da Mariña”.
A ópera Rigoletto, de Verdi, poderase ver en Burela o 8 de marzo. As entradas saen á venta esta semana a través de ataquilla.com
Relacionado
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
