VIVEIRO .- Veciños de Xunqueira, no Concello de Viveiro, quéixanse de que non poden ter acceso rodado as súas vivendas porque o impide unha edificación e, din, “o concello non aplica a normativa”. As tres familias afectadas creen que “a razón é que a casa que impide o paso, non é de calquera veciño, senón, nada menos, da chave de goberno do concello de Viveiro”. Os veciños advirten do perigo existente no caso de un sinistro para o acceso de unha ambulancia ou un coche de bombeiros.
Nota de Prensa
Teoricamente un concello está para defender os intereses de tódolos cidadáns, pero esto é so teoría no caso do Concello de Viveiro. A mellor proba é a foto que acompaña este texto: tres familias non teñen dereito a ter acceso rodado a súa vivenda porque o concello de Viveiro non aplica a normativa correspondente. Non toca aquí agora profundizar en cal é a causa, aínda que moitos veciños a saben.
Que pasaría se hai un incendio ou é necesaria a intervención dunha ambulancia? A estas vivendas do popular “barrio dos muíños” en Xunqueira estalles negados tales servizos…a razón é que a casa que impide o paso, non é de calquera veciño, senón , nada menos, da chave de goberno do concello de Viveiro.
Quen non dixo que non había cacicadas no século XXI? Animádevos unha destas fermosas tardes de outono a recorrer o citado barrio dos muíños en Xunqueira e veredes…. As posibilidades deste barrio serían moitas se se deixase facer… pero hai a quen lle interesa que todo siga igual que fai cen anos, si, cen anos, conservando as congostras por onde subían os carros e non permitir que un veciño teña dereito a chegar a súa casa en coche.. ou a que chegue o coche do butano… e din que estamos na era de avances tecnolóxicos… para algúns, en Xunqueira, a outros tócanos agardar.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
