LUGO .- Traballadores dos concellos participan na xornada informativa “A directiva Bolkenstein no ordenamento xurídico español. Implicación nas entidades locais das novas formas de control na actividade do cidadán”, que se desenvolve dende hoxe ata mañá no Pazo de San Marcos
NOTA DE PRENSA
0s traballadores dos Concellos fórmanse sobre a directiva de servizos nunha xornada na Deputación
– Melchor Roel inaugurou a acción formativa que conta coa presenza de prestixiosos especialistas que disertan sobre a normativa Bolkenstein e a súa implicación nos Concellos
– A xornada, que está dirixida a todos os empregados da administración local, contou coa representación de máis de 30 municipios
O Deputado de Persoal, Recursos Humanos e Réxime Interior, Melchor Roel, inaugurou este martes a xornada informativa “A directiva Bolkenstein no ordenamento xurídico español. Implicación nas entidades locais das novas formas de control na actividade do cidadán”, que se desenvolve dende hoxe ata mañá no Pazo de San Marcos.
Deste xeito, prestixiosos especialistas disertarán durante estes dous días sobre como lle afecta esta normativa europea ás actuacións do sector servizos que precisan para a súa execución autorización administrativa. Roel destacou que se trata dunha directiva “que temos que trasladar ó conxunto das comarcas. É unha lei que ten un longo proceso no Parlamento europeo e que evita que se traia un traballador doutro país que esté en peores condicións conservando esta situación en España, xa que isto sería competencia desleal”. Neste senso, o Deputado de Persoal subliñou que “a xornada vai servir para dar capacidade de resposta a esta lexislación”.
O simposio inclúese dentro do Plan Propio de Formación Continua para o ano 2010 e está dirixido a todas aquelas persoas que se atopan no ámbito de decisión da Administración Local, tales como: Alcaldes, Concelleiros, Secretarios, Interventores, responsables de servizos técnicos municipais e provinciais, asesores xurídicos, ou traballadores pertencentes ó departamento de contratación.
En total, uns 70 traballadores de 31 Concellos participan no encontro no que se pon de relevo que o obxectivo desta directiva é alcanzar un auténtico mercado único de servizos na Unión Europea. Para elo propón a supresión de trabas e obstáculos que restrinxen o acceso ás actividades de servizos, simplifica trámites e procedementos e impulsa unha ventanilla única para o acceso á información e a tramitación electrónica na realización de trámites administrativos como autorizacións, concesións de licenzas ou inscricións en rexistros.
A inciativa foi moi ben acollida polas entidades locais, xa que nela houbo representación dos seguintes Concellos: Cervo, Guitiriz, Monforte de Lemos, Abadín, Pedrafita, Páramo, Sarria, Cervantes, Xove, Castro de Rei, Fonsagrada, Corgo, Friol, Pantón, Burela, Pol, Negueira de Muñiz, Paradela, Begonte, Ribas de Sil, Viveiro, Ribeira de Piquín, Pontenova, Vilalba, Monterroso, Castroverde, Vicedo, Xermade, Meira, Outeiro de Rei e Becerreá.
Unha directiva que afecta ós municipios
A Directiva Bolkstein afecta a 46 Leis estatais, ós municipios e a certas ordenanzas locais relacionadas coa apertura de establecementos, venda ambulante, mercados ou espectáculos. A trasposición normativa, a nivel do Estado, realizouse a través dunha lei sobre libre acceso ás actividades de servizos que data de 2009, e que obriga á modificación de 50 disposicións legais e a 115 Reais Decretos. Nas comunidades autónomas, esta trasposición vai modificar 193 leis e preto de 500 Decretos.
En concreto, as actividades de servizos que se ven afectadas supoñen o 87% do valor engadido do sector servizos en España e representan máis do 50% do emprego total da economía española.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
