Foz, 29 de febreiro de 2020. O Concello de Foz continúa a traballar nas obras de mellora de camiños en distintas parroquias do rural con cargo ao Plan Único 2019. Unha vez rematada a limpeza de cunetas na parroquia de Santa Cilla (barrio do Chao) e San Martiño (camiño Río – O Carme) estase procedendo ao perfilado das marxes do camiño Alemparte – Vilamor, na parroquia de Cangas, e dos camiños proxectados na parroquia de Nois (Apeadoiro – Carpacide e Cabanas – Lamallada). A continuación procederase á limpeza de cunetas no camiño Bargado – Lousada, dentro das obras de mellora de viarios no rural con cargo ao Plan Único 2019.
Estas actuacións completan un total de máis de 279.000 euros de investimento financiados pola Deputación de Lugo a través do Plan Único 2019 e que consisten na mellora do firme con aglomerado en quente de distintos viarios municipais, ao que se engadiu o pintado da sinalización horizontal e distintas melloras.
O Concello de Foz informa ademais que o vindeiro luns, día 2 de marzo, darán tamén comezo as obras no camiño de Alemparte, entre a Nacional 642 e o Camiño Real, na parroquia de Cangas. Financiada con 48.000 euros de fondos propios, a primeira actuación consiste na renovación da tubería de abastecemento de auga, substituíndo a actual condución por unha canalización de PVC de 75 milímetros de diámetro e 10 atmosferas de presión, que evitará as continuas roturas que se estaban a producir nesta tubaxe. As obras complétanse co aglomerado en quente do camiño con mestura bituminosa tipo D-12 e a disposición da sinalización necesaria.
Para rematar o Concello de Foz quere trasladar as súas desculpas polas molestias ocasionadas durante o transcurso das obras e pide extremar a precaución mentres estean as máquinas traballando.
O Concello de Foz mellora viarios rurais das parroquias de Cangas e Nois
Relacionado
-
A Xunta destaca a importancia da investigación mariña como ferramenta para afrontar os retos do sector marisqueiro
-
O pleno municipal abordará este mércores iniciativas para reforzar a formación, o patrimonio e a calidade de vida en Viveiro
-
O PP provincial pon en valor o papel do CRAEGA no impulso da agricultura ecolóxica en Galicia
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
