Nesta sociedade nosa, tan tecnificada, dominada pola cultura televisiva e demais formas de comunicación, termos como “agresión”, “violencia”, “vandalismo” e sinónimos acadaron significada preponderancia que sen dúbida responde á realidade social que se manifesta nos aspectos da vida cotidiana: dende o ámbito familar, mais privado, ata os espacios da convivencia colectiva, os lugares de lecer, e mesmo non se libran deste maltrato o patrimonio natural e o cultural, a paisaxe nen os pousos da historia e as obras de arte, moitas delas singulares, únicas, que herdamos dos nosos devanceiros, agresións moitas veces consumadas por institucións que teñen a obriga de ser gardiáns da integridade, defensa e conservación das mesmas e do seu entorno. En Foz temos exemplo claro de semellantes tropelías: pretiño da basílica de San Martiño hai algún tempo foron construídos uns servicios hixiénicos que son mostra patética da contundente barbarie, ó pé mesmo da basílica, unha xoia da historia e da arte, en cuios valores non vamo incidir, por coñecidos de todos. Lembremos si acaso que foi declarada Munumento Nacional hai 75 anos. No seu día os veciños do lugar alzaron a voz rexeitando tal disparate, e mesmo presentaron ós gobernantes o anteproxecto dunha alternativa racional: en mellor ubicación e total respeto ás vellas pedras monumentais. Pero o que manda non roga e as cousas quedaron como están, para escándalo de estranos e vergoña de propios. E unha nova ameaza pende sobre aquel cenobio: trátase do trazado da autovía que polas obras do corredor cruzará aquela parroquia; cuio primeiro proxecto, que masacraba paraxes tan carismáticos como O Carme e Bispo Santo, foi rexeitado por distintos estamentos sociais. Días pasados os xornais daban conta de que Fomento – responsable das obras- se comprometía a respetar a basílica e o seu impacto, e que mantén contactos con Patrimonio, actitude ésta que nos parece coherente, pero que non garante nada, porque os retretes de San Martiño foron construídos co “placet” e visto bó do devandito organismo. Pidamos, pois, que “Deus nos pille confesados”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
