Ribadeo, 10 de marzo de 2020. No Pazo de San Marcos tivo lugar esta mañá o encontro institucional mantido polo alcalde de Ribadeo, Fernando Suárez, co presidente da Deputación de Lugo, José Tomé, para abordar a situación precaria na que se atopa o vial provincial LU-P-5207 ao seu paso polo treito urbano da vila.
O rexedor explicou que “o Concello de Ribadeo vén manter un encontro institucional coa Deputación de Lugo para abordar a problemática e perigosidade do vial de titularidade provincial LU-P- 5207, que é o que discorre polo ámbito urbano, concretamente o treito que vai paralelo ao Campo de Fútbol Municipal ata a ponte de Feve, no barrio do Covo, na parroquia de Ove”.
Suárez Barcia lembrou que “desde hai varios anos, e a través de numerosos escritos da alcaldía, mocións de diferentes partidos políticos, viñemos manifestando a necesidade de arranxo, a construción de beirarrúas así como a ampliación no posible da ponte de Feve. Hai que ter en conta que esta estrada é moi frecuentada por viandantes, especialmente rapaces e rapazas que acoden aos adestramentos do campo que o Concello ten ao pé da vía do tren, en Ove, o que, con noite ou con mal tempo, faino especialmente perigoso cando se cruzan vehículos e peóns”.
O alcalde subliñou que “por tanto, despois de trasladar todas estas circunstancias ao Sr. Tomé, presidente da institución titular da vía, este acaba de dar as instrucións inmediatas para que técnicos da Deputación se despracen deseguido a Ribadeo para iniciar a redacción inmediata do proxecto de mellora deste vial, aplicando os criterios de seguridade viaria, tanto para vehículos como para peóns. Por isto, no proxecto contemplarase a dación dunha capa de aglomerado asfáltico, a construción de beiravías así como a ampliación da ponte de Feve coa instalación dunha pasarela voada. Este proxecto terá que contar coas autorizacións pertinentes, como é o caso de ADIF que depende do Ministerio de Fomento. Unha vez teña as autorizacións, segundo confirma o presidente de Deputación, procederase deseguido á licitación inmediata da obra. Así se dará cumprimento a unha demanda feita desde Ribadeo desde hai varios anos”.
Este martes tivo lugar un encontro institucional entre o Presidente da Deputación e o Alcalde de Ribadeo para abordar a situación precaria da LU-P-5207 ao paso polo treito urbano da vila
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
