Viveiro, 22 de marzo, 2020. A Concelleira-Portavoz do grupo municipal do Bloque Nacionalista Galego no Concello de Viveiro, Míriam Bermúdez, solicitará este luns ao goberno local do PSOE a creación dunha mesa técnico-política debido á grave crise sanitaria e económica que está a provocar a expansión do Covid-19 por todo o territorio do estado español fai necesario que o Concello de Viveiro, ademais de esforzarse en adoptar todas as medidas sanitarias e de seguridade necesarias para minimizar o risco do contaxio da súa veciñanza, sume esforzos co tecido produtivo e social de Viveiro co obxectivo de anticiparse e paliar, na medida do posible, os efectos do impacto económico que xa está a arrastrar a pandemia, protexendo o tecido empresarial e a veciñanza de Viveiro con medidas que garantan o mantemento do sector produtivo e as economías familiares d@s viveirenses, para unha vez superada a crise sanitaria, as medidas que se adopten consensuadamente faciliten o relanzamento da economía municipal.
Os últimos días estamos vendo a través das redes e medios de comunicación que desde diferentes sectores (hostalería, comercio, turismo…) comezan a demandandar publicamente axuda e colaboración ao goberno municipal para frear na medida do posible o forte impacto económico que van sufrir os seus negocios, ao tempo que lemos que diferentes empresas viveirenses ofrecen axuda as persoas máis desfavorecidas e sectores máis castigados por esta situación de emerxencia que estamos a vivir.
Desde o BNG entendemos que o tempo de resposta é vital para atallar con éxito calquera crise, e aínda sendo conscientes das dificultades e restriccións económicas polas que atravesa o concello cremos que o concello de Viveiro debe facer un sobre esforzo para atopar solucións alternativas e complementarias ás adoptadas polo goberno do estado co obxecto de facilitarlles ás empresas e familias de Viveiro a maior liquidez posible para afrontar o futuro máis inmediato e axudar así ao mantemento do tecido produtivo do municipio.
Por todo o anteriormente exposto, o BNG SOLICITA ao goberno municipal do Concello de Viveiro:
1.Creación dunha Comisión Técnica Pública-Privada (composta polos técnic@s responsables das áreas de Facenda, Intervención, Tesourería e Secretaría do concello, Portavoces da corporación e Representantes sectores produtivos afectados) para plantexar, estudar e propoñer as medidas de orde económico, fiscal e social que se estimen precisas para afrontar as consecuencias da crise sanitaria e minimizar ao máximo os efectos negativos que sobre a economía local, as empresas, o comercio, autónomos, profesionais e o emprego se están producindo e se prevén que se produzan.
2.Adopción inmediata de medidas económicas especiais para paliar a economía das veciñanza e dos proveedores do concello, facilitando a súa liquidez durante os vindeiros meses a través de medidas como a ampliación de oficio do prazo voluntario de pago de impostos, tales como o IVTM e IBI, axilizar o pagamento a proveedores e priorizar a tramitación de expedentes que conleven cobro de axudas ou débedas pendentes de pago por parte do concello.
3.Posta en marcha dunha Mesa de Coordinación Municipal dos ofrecementos de axuda do sector privado coas necesidades que ten o concello e a veciñanza máis afectada pola crise sanitaria.
Esta proposta de creación da mesa consideramos que ten a prioridade que na medida do posible os principais asuntos de urxencia do concello o permitan.
Polo que a súa creación queda supeditada a cando a atención ás cuestións de urxencia o permitan, mais consideramos que debe terse en conta de cara a unha toma de decisións que permita un avance na xestión posterior.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
