Cervo, 30 de marzo de 2020. O Concello de Cervo quere recoñecer o gran labor e o esforzo extraordinario que está a desenvolver o persoal municipal e de emerxencias nestes días complicados nos que están a redobrar esforzos.
Temos que poñer en valor –precisan- o traballo fundamental das 14 auxiliares de Axuda no Fogar que asisten a diario e atenden as necesidades daqueles veciños que están en especial situación de vulnerabilidade.
Ademais, tamén queren facer un recoñecemento especial ao labor do cadro de persoal do Centro de Día Residencia de San Ciprián; tanto no coidado e protección dos usuarios do centro, como no seu afán por mantelos conectados co exterior e coas súas familias a diario, por vía telemática “co que tentan facer moito máis levadías estas xornadas”. Así mesmo, tamén recordan ao persoal da unidade residencial da asociación de Axuda ao Enfermo Mental A Mariña, situada en Cervo, cuxo labor é encomiable.
A solidariedade e a colaboración entre organismos, institucións e particulares están a ter un peso importante nesta crise. De tal xeito, que desde o Concello fan unha especial mención a aquelas veciñas voluntarias que xa levan confeccionadas coas súas propias mans máis de 1000 máscaras cun tecido especial que Alcoa lle doou ao Concello de Cervo, e que lles fixemos chegar para elaborar estes elementos de protección que están a ser distribuídos entre diferentes sectores da Mariña especialmente expostos ao virus.
Pola súa banda, o Servizo de Emerxencias Municipal está a realizar un labor fundamental para contribuír a conter a pandemia; desinfectando dúas veces ao día os espazos públicos, prestando especial atención aos Centros de Saúde ou ao Centro de Día Residencia. Ademais, cabe recordar tamén o seu importante labor didáctico impartindo charlas de prevención entre o persoal sanitario.
Desde o Concello, queren agradecer, así mesmo, a colaboración dos 12 alcaldes pedáneos –un por núcleo de poboación-, cos que creamos unha rede de emerxencia social para facer un seguimento daquelas persoas máis vulnerables que viven soas. De tal xeito que elaboramos un informe no que se identifican todos os casos, a fin de detectar calquera necesidade que puidesen ter nestes días de confinamento; dándolles resposta inmediata.
Do mesmo xeito, tamén queren nomear á vintena de persoas voluntarias que se puxeron en contacto co Concello, para colaborar nesta rede, en caso de que fose necesario.
Desde o Concello de Cervo recoñecen todos estes xestos de xenerosidade e de solidariedade tan necesaria nestes tempos complicados, nos que todos temos que poñer, na medida do posible, da nosa parte.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
