Lugo, 2 de abril de 2020. O pleno provincial deste xoves, celebrado por vía telemática, deu luz verde ao Plan Único, que achegará de 21,3 millóns de euros aos concellos da provincia e que se adaptou á situación xerada pola pandemia do coronavirus Covid-19.
Os concellos poderán dedicar o 50% da contía que reciban a financiar medidas orientadas a paliar a emerxencia sanitaria e o seu impacto económico e social. Así, en cifras totais, disporán duns 10,6 millóns de euros para esta finalidade.
O voceiro do BNG, Efrén Castro, explicou que “decidimos habilitar esta fórmula para que os concellos teñan liberdade para asumir gastos relacionados con esta loita. Evidentemente nun ano coma este, marcado pola pandemia, haberá que decidir onde se invisten os cartos e seguramente se perderán algunhas inversións en infraestruturas novas pero a prioridade é saír desta situación o máis axiña e o mellor posible”.
Nesa liña, o deputado nacionalista sinalou a disposición do BNG a colaborar con “todas as administracións, desde a lealdade”. “Necesita algo a Xunta de Galiza desta Deputación? Pídano”, dixo Efrén Castro en varias ocasións ás deputadas e deputados do Partido Popular . “Exerzan todas as competencias que ten a Xunta de Galiza e se necesitan colaboración pídana, pero sexan leais e coordinen porque están deixando a moita xente abandonada polo camiño” , concluíu.
300 mil euros máis e protección dos dereitos laborais
O importe total do Plan Único, que distribúe o diñeiro atendendo a criterios obxectivos como a poboación, a extensión territorial, a dispersión e o envellecemento, incrementase en 300 mil euros con respecto ao 2019. “Fixemos un esforzo por incrementar a dotación pero quero recordar que esta Deputación destina 9 millóns de euros aos centros de maiores, dando un servizo que é competencia exclusiva da Xunta de Galiza”, valorou o deputado nacionalista
As bases do Plan Único incorporan unha claúsula que incide no cumprimento dos convenios colectivos sectoriais por parte das empresas que presten servizos financiados cos fondos da Deputación. Un epígrafe adicional que reforza a protección dos dereitos laborais de traballos feminizados como os do SAF ou os das tarefas de limpeza.
Agradecemento
Efrén Castro tamén trasmitiu o recoñecemento da formación nacionalista ás traballadoras e aos traballadores do sistema sanitario, dos supermercados, da limpeza, do transporte ou do campo. “Sectores precarizados que agora, máis ca nunca, se demostra que son esenciais”
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
