A conselleira do Medio Rural e do Mar, Rosa Quintana, comparecerá a petición propia no Pleno para abordar a situación do sector lácteo e as últimas medidas propostas a nivel europeo, estatal e autonómico para este sector. No Pazo do Hórreo.
foto xoán crespo
15/09/15
Santiago de Compostela, 10 de abril de 2020. A conselleira do Mar, Rosa Quintana, e o conselleiro do Medio Rural, José González, veñen de remitir unha carta ao ministro de Agricultura, Pesca e Alimentación, Luis Planas, na que reclaman diferentes medidas fiscais de apoio ao sector primario, de aplicación inmediata, para facer fronte ás dificultades que se lle presentan no actual estado de alarma polo coronavirus.
Na misiva ambos conselleiros comezan amosando, dende a lealdade institucional, o apoio ás diferentes medidas adoptadas polo Goberno central, pero reclamando ao tempo a necesidade de contar coas comunidades autónomas no seu deseño e aplicación. Así, proponse que “de agora en diante” este tipo de decisións sexan previamente comentadas e consensuadas coas autonomías, de cara a unha mellor adecuación ás características de cada territorio.
En relación coas devanditas medidas fiscais, os conselleiros fan especial fincapé en dúas. En primeiro lugar, a suspensión da presentación de autoliquidacións de impostos que teñan uns prazos de vixencia que venzan durante o estado de alarma, en especial o IVE, para todos os operadores do sector primario. Así, demandan que se suspendan as autoliquidacións por este imposto, correspondentes ao primeiro trimestre de 2020, e que teñen como prazo límite o 20 deste mes. E engaden que esta suspensión “debería manterse cando menos ata o 20 de xullo”, data da presentación das autoliquidacións do segundo trimestre.
Devolucións do IVE
En segundo termo, os representantes da Xunta reclaman axilizar as devolucións pendentes aos autónomos e empresas do sector primario polo IVE, tanto as de exercicios anteriores como aos dos períodos do 2020 anteriores á declaración do estado de alarma. Os conselleiros lembran, neste sentido, que as dúas medidas fiscais xa foron tamén demandadas polo propio presidente do Executivo galego ao seu homólogo do Goberno central, en referencia ao conxunto dos sectores produtivos. Recordan, así mesmo, que Galicia xa suspendeu os prazos de presentación de autoliquidacións dos principais impostos autonómicos ata o vindeiro 30 de xuño ou ata un mes despois da finalización do estado de alarma.
No escrito advírtese que esta suspensión, para pemes e autónomos, aliviaría boa parte do problema no sector primario e ademais considérase que sería asumible polo Estado e evitaría custos administrativos difíciles de cumprir na situación de confinamento. Por outra banda, permitiríalles manter liquidez sen necesidade de acudir ao endebedamento bancario.
Por último, ambos conselleiros propoñen que as devolucións do IVE se fagan neste mes de abril, xa que esta medida podería dar liquidez ás empresas galegas por un importe estimado de arredor de 400 millóns de euros. Considérase ademais que só en ramas de actividade como as conserveiras ou a industria de elaborados conxelados da nosa comunidade, estas devolucións de IVE pendentes poderían superar os 30 millóns de euros.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
