Santiago de Compostela, 11 de abril de 2020. O conselleiro do Medio Rural, José González, mantivo esta mañá unha reunión por videoconferencia con representantes das grandes cadeas de distribución alimentaria con presenza en Galicia. Nel participaron pola cadea Vegalsa –Eroski, Jorge Eiroa; por Gadisa, Santiago Codesido; por Froiz, Manuel Aris; por Carrefour, Francisco Couso e por El Corte Inglés, Pati Blanco. Este encontro, que se inicia con estas cadeas distribuidoras, pero a iniciativa está aberta a calquera outra que teña interese en colaborar, serviu para pechar os detalles dun acordo que servirá para impulsar a compra e fomentar o consumo de produtos agroalimentarios galegos, dándolles así unha nova saída tras o peche da hostalaría e dos mercados municipais por mor da emerxencia sanitaria.
Segundo explicou o conselleiro, o obxectivo é facilitar novas vías de comercialización aos produtores agroalimentarios da comunidade que están tendo dificultades para chegar ao mercado ao quedaren pechadas as súas canles de venda habituais durante a crise do coronavirus. En concreto, os máis afectados son os produtores/as de froitas e hortalizas, os pequenos elaboradores/as artesanais de queixos e outros produtos lácteos, os produtores/as de mel e produtos apícolas, o sector vitivinícola, os gandeiros/as de vacún, porcino, avícola, ovino e cabrún, así como os de razas autóctonas, fundamentalmente de porco celta.
Para dar saída a estas producións agroalimentarias galegas, a Consellería do Medio Rural buscou a colaboración das grandes cadeas de distribución que operan en Galicia, coas que hoxe pechou os detalles do acordo que estará vixente mentres dure a emerxencia sanitaria. Así, segundo explicou o conselleiro, estas empresas comprométense a adquirir estes produtos agroalimentarios durante o estado da alarma para apoiar o sector primario da comunidade. A maiores, a Consellería lanzará unha campaña de comunicación e sensibilización dirixida ao consumidor final, para conciencialo de que coa súa compra pode axudar aos agricultores e gandeiros galegos para garantir o futuro do noso rural.
Así, estas iniciativas impulsadas pola Xunta teñen como finalidade última frear a perda de ingresos das persoas agricultoras e gandeiras galegas para apoiar o futuro das súas explotacións e garantir así a supervivencia do motor principal da dinamización do rural, ao tempo que se poñen no mercado produtos agroalimentarios da máxima calidade. Antes de poñer sobre a mesa esta iniciativa, a Consellería do Medio Rural xa a ensaiou e xa levou a cabo con éxito xestións para dar saída no mercado á pataca da Limia que antes da crise sanitaria se vendía para restauración.
Así as cousas, a vindeira semana publicarase no Diario Oficial de Galicia a orde que porá en marcha esta canle alternativa de comercialización na que constarán, por unha banda, os produtores beneficiarios, e por outra, as empresas que colaborarán comprando os seus produtos. Ademais, lanzarase unha campaña de promoción e sensibilización que terá como finalidade fomentar o consumo das producións agroalimentarias galegas e na que quedarán patentes as cadeas de distribución adheridas.
A maiores, de forma excepcional ante a crise do coronavirus que estamos a vivir, a Consellería do Medio Rural contempla tamén a posibilidade de comprar parte dos produtos perecedoiros con alto risco de deteriorarse para cedérllelos a comedores sociais, hospitais, residencias de maiores ou institucións semellantes.
Finalmente, José González salientou a importancia do sector agrario galego na cadea de subministro, tendo en conta a situación excepcional que implica o estado de alarma pola crise do coronavirus. De aí, explicou o conselleiro, a necesidade de que a Xunta leve a cabo estas iniciativas que procuran, en resumo, animar á cidadanía a consumir produto agroalimentario galego. Tamén se busca recoñecer o importante esforzo que está a facer o sector no escenario actual de confinamento, no que só están a traballar as actividades esenciais e no que o complexo agroalimentario ten un papel fundamental para asegurar o abastecemento de alimentos de calidade á sociedade.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
