Ribadeo, 14 de marzo de 2020. A Concellaría de Medio Ambiente estendeu, desde hoxe, os traballos de desinfección de contedores ás parroquias ribadenses. Jorge Díaz subliña que deste xeito se dá un paso máis coas tarefas que se veñen desenvolvendo a diario, desde que se decretou o estado de alarma, diante dos establecementos esenciais que están abertos, do centro de saúde, das residencias de maiores, nos contedores, bancos, papeleiras e rúas da vila. O edil fai un chamamento á veciñanza para que non saia botar o lixo ata despois das nove da noite e pide que non se deixen os contedores abertos. Jorge Díaz recomenda levar luvas para botar o lixo ou lavar ben as mans cando se volva para a casa.
O concelleiro de Medio Ambiente explicou que “seguindo con estes traballos de desinfección excepcionais nestes momentos extraordinarios, estamos a levar a cabo estas tarefas en contedores, nas rúas, nos accesos ás tendas de servizos esenciais que están abertas como supermercados, estancos e farmacias, no centro de saúde e nas residencias que temos de maiores. E agora imos dar un pasiño máis intentando abrir o abanico para que poidamos chegar a todo o mundo e imos estendelo ás parroquias a todo tipo de contedor, váiselles dar un lavado con desinfectante”.
Jorge Díaz dixo que “comezamos hoxe e ao longo de toda esta semana imos seguir intentando chegar á plenitude. É máis complexo porque as parroquias están máis dispersas e non está tan concentrada a conterización, pero imos intentar chegar, dentro das nosas posibilidades, o antes posible a todos os lados”.
Sobre o lixo e a conveniencia ou non de deixar os contedores abertos o edil de Medio Ambiente manifestou que “o máis normal é tirar o lixo a partir das nove da noite, non se pode andar tirando o lixo ás doce da mañá. Entón ou ben se levan luvas ou despois hai que lavar as mans ao volver á casa, ao igual que facemos cando se vai á farmacia, ao supermercado ou a outro tipo de cuestión esencial”.
Jorge Díaz Freije aconsella que “por favor non se deixen os contedores abertos. Entendo toda a problemática que hai, todas as dúbidas que isto xera no estado en que estamos, pero isto vai seguir porque vai haber que continuar con medidas paulatinas e os contedores non van poder estar abertos por cuestións de cheiros e infinidade de cousas durante o verán. Eu entendo que é moito máis cómodo non tocalos, pero temos que aplicar o sentido común e todas as medidas oportunas protexéndonos, pero non podemos tirar o lixo ás doce da mañá e non debemos deixar os contedores abertos”.
O Concello de Ribadeo comezou este martes a desinfección dos contedores de recollida de lixo nas parroquias
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
