O Vicedo, 21 de abril, 2020. A boa acollida da primeira videoconferencia sobre toponimia, anima a Nordés a organizar a segunda o sábado 25 ás 19:00h.
“Mar aberto: fuxidas marítimas en Ferrol e Ortegal 1936-1939” é o título do faladoiro de Eliseo Fernández, historiador ferrolán, para o sábado 25 de abril, ás 19:00h. Con este, serán dúas as videoconferencias organizadas pola asociación Nordés durante o confinamento, coa fin de facelo máis levadeiro.
O faladoiro tratará as evasións por mar que se produciron nos anos da guerra civil e posguerra, en concreto na zona de Ferrol (en Ares) e no Ortegal (Cariño e Espasante). Fugas nas que homes e mulleres contrarios ao bando franquista intentaban chegar á zona republicana ou a Francia, a bordo de pequenas lanchas, bous ou barcos semellantes partindo de moitos sitios da costa galega.
Por tanto, o relatorio proponse de dúas maneiras distintas:
A presenza virtual en directo empregando a plataforma “Jitsi Meet” tendo a oportunidade de plantexar cuestións ao rematar o seu faladoiro. É preciso apuntarse antes do venres 24 ás 14:00h cun e-mail a asociacion.nordes@gmail.com. Cunha chamada/mensaxe (Telegram) ao 620417848. Dende aquí xestionaremos o envío do link preciso para entrar na sala da videoconferencia o sábado 25.
Pódese asistir dende móbil, tablet ou ordenador. A través da canle de Youtube de Nordés, con emisión en directo e en diferido.
Co obxectivo de correxir por adiantado erros de funcionamento no “Jitsi Meet” que poidesen afectar á emisión en directo ou para calquera dúbida quedamos o venres 24 ás 19:00h.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
