BURELA (FNC) .- O auditorio da Casa da Cultura será escenario o vindeiro sábado 24 de abril do concerto Tocando novos estilos, que ofrecerán as Escolas de Música de Silleda e de Burela e Estudio Escola de Santiago.
A concelleira de Educación sinala que “este concerto forma parte dunha serie de intercambios entre o alumnado das escolas de música de Silleda, Burela e Estudio Escola de Santiago de Compostela. O encontro musical de Burela leva por título Tocando novos estilos e ven ser o último encontro dunha serie de tres que daban comezo o pasado mes decembro, cando rapaces e rapazas de Burela participaban no festival de Nadal de Estudio Escola en Santiago de Compostela, concerto que tiña lugar na aula sociocultural de Caixa Galicia. Tras o concerto de Silleda, que tivo lugar o pasado 20 de marzo, os tres centros musicais voltarán encontrarse en Burela o próximo sábado 24 de abril, día no que se vai pechar un fin de semana dedicado ao jazz que terá o seu preludio maña venres 23 de abril co concerto da Burela Blues Band coincidindo co seu quinto aniversario”.
Lucía Bouza explica que “estes encontros queren dar a coñecer estilos musicais como o jazz ou o que se deu en chamar de forma xenérica músicas modernas, onde se incluirían estilos como o latin, o funk, o swing, a bossa nova, o pop, etc. Quérese deste xeito, ofrecer aos rapaces que habitualmente receben unha formación clásica nas escolas de música e conservatorios, a posibilidade de tocar novos estilos musicais e que podan ter unha visión máis ampla do fenómeno musical. Os concertos foron coordinados por Rafael Agulló, director da Banda de Música de Silleda, José Nine, profesor de saxofón e combo e director da Orquestra Xuvenil de Estudio Escola e por Israel Arranz e Roberto Bouça, directores da Burela Blues Band e da Banda de Música de Burela respectivamente e coordinadores dos seminarios de jazz e música moderna que organiza a Escola de Música Municipal de Burela no mes de xullo”.
A edil socialista engade que “con este tipo de concertos centrados no jazz, pretende darse continuidade durante o ano ao traballo que realizan os rapaces durante toda unha semana de verán no Seminario de Jazz e Música Moderna de Burela. Todos os concertos están dirixidos por José Nine, especialista en jazz e músicas modernas e profesor habitual nos seminarios de jazz de Burela. Quero convidar a toda a xente da nosa vila a que acuda a disfrutar desta cita musical que teremos o sábado”.
Concertos didácticos
Lucía Bouza lembra que “mañá venres 23 de abril haberá concertos didácticos para alumnos dos colexios Vista Alegre, Virxe do Carme e da gardería. Véñense facendo desde a Escola hai moitos anos para dar a coñecer diferentes instrumentos e a música clásica aos alumnos destes centros”.
Os concertos darán comezo ás 10 da mañá no colexio Vista Alegre, onde se farán dous pases; ás 11 o concerto cun único pase será na gardería e ás 12 rematarán no colexio Virxe do Carme con dous pases. A concelleira de Educación manifesta que “o programa está composto por obras do barroco, vánse tocas pezas de Bach, Teleman e Pachelbel”.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
