Compostela, 5 de maio de 2020. Galicia en Común-Anova Mareas vén de propoñer hoxe ao resto de forzas políticas, sociais e económicas do país un gran ‘Pacto por Galicia’ baseado no consenso, no diálogo e na cooperación, desde a solidariedade e o convencemento de que a saída á crise pasa por impulsar políticas económicas expansivas destinadas a reactivar o país coas garantías na protección social e sanitaria das traballadoras e as maiorías sociais.
“O público é o que nos une. O que mellor representa os valores da sociedade galega, a nosa capacidade de traballar xuntas por un obxectivo común. Propoñemos un gran acordo de país, polo futuro, polo público e polo común. Isto é o que nos demanda a sociedade. Un acordo que nos integre a todos e afastado dos intereses e lóxicas partidistas”, manifestou o voceiro da coalición.
Antón Gómez Reino, en rolda de prensa telemática, foi contundente hoxe na defensa do común fronte á fraxilidade na que fica Galicia logo dunha década de recortes “máis de 25.000 millóns de euros menos en gasto público desde 2009”, subliñou, e na vulnerabilidade na que se atopan moitas familias para as que cómpre ampliar e fornecer xa escudo social.
“Esta crise pon en evidencia a fraxilidade do sistema produtivo e empresarial do país. Unha de cada tres persoas deixou de traballar o 12 de marzo”, sinalou Gómez Reino.
“Este acordo de país, este Pacto por Galicia é imprescindible. A reconstrución é un gran desafío e será unha grande oportunidade para un cambio profundo de modelo que nos permita trocar as políticas de austeridade para reforzar o público, poñer o foco nos coidados, na sanidade, na vivenda, nos sectores primarios e na protección do medio ambiente”, reflexionou.
A proposta de Galicia en Común-Anova Mareas está fundamentada sobre cinco piares fundamentais.
O primeiro pasa polo reforzo inmediato dos recursos orzamentarios para blindar o público, esencialmente a sanidade e a protección social. En segundo lugar, a reactivación da economía galega e a modernización do modelo produtivo; o fortalecemento dos coidados; a mellora do sistema fiscal e do reparto de fondos e, por último, un amplo consenso político e social para potenciar a nosa posición de país no Estado e ante as institución europeas.
“O tempo aprema. É imprescindible iniciar xa o proceso de reconstrución dos piares da Galicia do futuro. É momento de procurar amplos consensos e de rearmar a economía do país co público como elemento central”, salientou Gómez Reino.
“Ninguén pode cuestionar a necesidade de coidar e protexer a sanidade pública, a urxencia de relocalizar a produción industrial, a defensa de medidas absolutamente fundamentais como a Renda Mínima Vital e ninguén pode entender nin compartir estes dez anos de recortes a sanidade, ao ensino, a xustiza e as emerxencias”, manifestou, para lanzar un chamado ao resto de forzas políticas, sociais, sindicais, agrarias e económicas do país a que se sumen, desde xa, a un pacto pola Galicia do futuro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
