Burela, a 11 de maio de 2020. O Grupo Municipal Popular de Burela mantivo a coherencia á hora de volver posicionarse en contra da adxudicación do contrato de recollida do lixo e limpeza viaria máis caro da historia de Burela no pleno urxente e extraordinario convocado polo Sr. Llano para este luns ás doce da mañá.
“Todo isto dentro dun contexto particularmente delicado, non só pola grave crise que está a padecer a veciñanza, agravada pola falta de disposición ata o de agora do Sr. Llano na toma de decisións; senón tamén a pesar da estraña urxencia que alega o alcalde para convocar este mesmo punto en dúas ocasións con tan só once días de diferenza”, manifestan os populares.
Nas filas populares aclaran que, “dende abril do 2019, momento a partir do cal puido convocar este pleno, tivo tempo e tempo. Pode alegar a situación particular de estado de funcións, que non parálise, na que estivo o Concello de Burela durante unha parte do ano pasado. Pero, e este ano, que pode alegar para xustificar esta urxencia cando tivo todo xaneiro, febreiro e parte de marzo, antes de que se instaurara o estado de alarma, para levar a pleno este asunto”, preguntan os populares. “Dende o Grupo Municipal Popular estamos convencidos que absolutamente nada”, aseguran.
En todo este tempo non se acordou da situación, como di o concelleiro delegado Fernández Rey, de prestación do servicio en precario. E seguindo con este concelleiro delegado, que no pasado pleno “alucinaba” con que se pida que se continúen con contratos caducados, dende o Grupo Popular preguntaron “se o nivel de alucinación deste concelleiro é maior, menor ou igual no tocante ao contrato do SAF, que leva ano e medio caducado, ou no de limpeza de instalacións municipais, que leva case que medio ano caducado. En ámbolos dous casos non se está a tramitar o expediente para unha nova contratación”, afirman dende o PP.
Un pleno convocado sen tódalas garantías
Esta decisión tan delicada que se pretende tomar en pouco máis de dez días por segunda vez, non conta con tódalas garantías para que os concelleiros emitan o seu voto de forma non arbitraria; xa que ningún dos membros da corporación é un esperto xurista e dende o Grupo Municipal Popular había moitas cuestións que lle querían trasladar tanto á secretaría como á intervención para que emitiran resposta ao respecto antes de volver a tomar tan importante decisión”.
“Isto non se puido dar porque Llano convocou o pleno o venres 8 a mediodía sen a preceptiva comisión informativa”, indican. A maiores dende o PP denuncian que non se aportou documentación fundamental para este pleno “como pode ser a acta do pleno anterior ou a resposta a diversas cuestións rexistradas por escrito hai mes e medio e que tiñan que ver directamente con esta adxudicación”.
Novo bandazo nos criterios do BNG
A pesares de todo, dende os populares entenden que “a estas alturas os despropósitos de Llano xa non son responsabilidade del; senón de quen lle consinte os mesmos, ben co seu voto a favor ou coa súa abstención”.
“Esta non é máis que a continuación da decisión tomada no pleno de investidura por parte da formación do bloque”. E continúan: “polo tanto, a responsabilidade do Sr. Llano é compartida con aqueles que finxen ser unha alternativa de goberno cando en realidade son a outra cara da mesma moeda socialista”.
Os populares bureleses manteñen que “esta actitude irresponsable do BNG, bailando ao son que toca o PSOE, o único que fai é poñer contra as cordas á veciñanza de Burela”.
“Hoxe presentóuselle en bandexa, vía emenda do Grupo Municipal do PP, a posibilidade de iniciar a municipalización do servizo de recollida do lixo como mal menor. Neste caso, o custe anual do mesmo atendendo aos datos presentados para este concurso non excedería de 690.000 euros/ano. Pero a sorprendente marcha atrás do BNG nesta cuestión emula moito ás promesas incumpridas do Sr. Llano”, consideran.
“Os membros do grupo do BNG por fin asumiron que, como di a cultura popular, non é o mesmo predicar que dar trigo”, conclúen dende o PP burelés.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
