Lugo, 18 de maio de 2020. A subdelegada do Goberno, Isabel Rodríguez, informou esta mañá de que o Ministerio de Transportes, Mobilidade e Axenda Urbana retomou hoxe as obras de rehabilitación estrutural do firme na estrada N-642, para mellorar as comunicacións na comarca da Mariña.
Isabel Rodríguez lembrou que esta actuación súmase ás outras xa realizadas polo Goberno que, desde 2018, leva investidos case 3,5 millóns de euros para mellorar o estado do firme dunha vía que experimentara un grave deterioro nos anos anteriores co conseguinte perigo para a circulación rodada por esta vía que vertebra a Mariña.
A subdelegada lembrou que a rehabilitación estrutural do firme que está en execución supón un investimento de case 2 millóns de euros e as obras afectan a varios treitos da vía, que discorre polos municipios de Ribadeo, Barreiros, Foz, Burela e Cervo. Concretamente, o proxecto de mellora execútase en algo máis de 20 kilómetros da estrada, entre os pp.kk. 26+950 ao 28+800 e do 36+500 ao 55+000.
Estas obras de mellora da N-642, que está a executar a Dirección Xeral de Estradas do Ministerio de Transportes, Mobilidade e Axenda Urbana, consisten na substitución do firme actual por unha capa de rodadura de alta adherencia. As obras comezaron en 2019, contan con un presuposto de 1,966.484 euros, e está previsto que rematen no mes de xuño.
O Ministerio de Transportes decidiu acometer este proxecto de rehabilitación integral do firme na N-642 para mellorar as comunicacións e a seguridade viaria na Mariña Oriental, dado o grave deterioro que sufriu esta vía nos últimos anos. De feito, o Goberno xa realizou dúas reparacións urxentes desde 2018, coa realización obras de emerxencia para mellorar o firme en distintos treitos da vía, proxectos nos que o Goberno investiu 1.523.866 euros.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
