Ribadeo, a 19 de maio de 2020. O voceiro do Grupo Municipal do Partido Popular de Ribadeo, Daniel Vega, celebra que o Boletín Oficial do Estado (BOE) publicase no día de onte a inscrición no Rexistro de Variedades Comerciais o pemento de Piñeira; un paso, di, que “é o resultado do traballo que vimos facendo dende as administracións para potenciar a súa comercialización e produción”.
“Foron varias a comparecencias que tivemos na Comisión Sétima do Parlamento para instar á Xunta de Galicia, tanto dende o punto de vista da promoción como da formación, a recoñecer a nosa horta e, agora, vemos que por fin se recoñece o pemento de Piñeiara. Ribadeo ten uns produtos hortícolas extraordinarios que ben merecen postos en valor”, subraia o popular.
Esta inscrición é consecuencia do labor que desenvolve o Centro de Investigacións Agrarias de Mabegondo, que depende a consellería do Medio Rural, dende hai quince anos para por no mercado produtos diferenciados e con características únicas e propias do seu lugar de orixe, como é o pemento de Piñeira. Esta é unha variedade completamente autóctona que, no seu día, supuxo un peso moi importante na economía dos agricultores da localidade. “O noso pemento é unha delicatessen e debemos valoralo como tal”, manifesta con certo orgullo Daniel Vega.
“Seguiremos traballando”
Neste senso, Daniel Vega avanza que “seguiremos traballando para aumentar o seu valor diferenciador e a súa marca de calidade no mercado”. E é que, lembra o popular, “a súa carne grosa, a súa pel fina e o seu sabor e olor, aínda que é semellante ao de Mougán, o froito é notablemente diferente. O noso é de catro puntas e moito máis grande”, remarca.
Dende o Grupo Municipal do Partido Popular manifestan así a súa satisfacción polo recoñecemento deste produto que é un exemplo, apuntan, “da horta tan produtiva que temos e de que a agricultura tamén pode ser un medio de vida para a mocidade”. A este respecto, adianta o seu voceiro que xa están a estudar novas medidas co asociacionismo para darlle relevancia tanto á semente, como ao propio produto, así como coa hostalería para que compre o produto local.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
