Cervo, 27 de maio de 2020. O Concello de Cervo está ao día no abono de facturas aos provedores, tal e como explica o rexedor, Alfonso Villares.
O período medio de pago a provedores será un dos asuntos sobre os que se dará conta no pleno ordinario que se celebrará mañá xoves, ás 13:00 horas.
Villares precisou que desde a Administración local, a través do persoal municipal a quen lle temos que agradecer a súa profesionalidade, “fíxose un esforzo extra neste tempo para axilizar ao máximo o pago aos provedores a fin de poder contribuír a aliviar a carga que soportan na actualidade debido á crise sanitaria o COVID-19, tratando de inxectarlles liquidez para minimizar o impacto que a pandemia está a provocar sobre os seus ingresos e na súa actividade”.
O rexedor indicou que aínda que as instalacións do Concello permaneceron pechadas ao público ata o pasado 12 de maio –cando se restableceu a atención presencial baixo cita previa-; o persoal municipal non deixou de traballar durante o confinamento a fin de poder dar resposta ás necesidades da veciñanza, na medida que o permitise a situación excepcional que vivimos; entre elas o abono de todas as facturas rexistradas.
Na orde do día do pleno que se celebrará mañá tamén figura entre outros asuntos, a dación de conta da liquidación do Orzamento de 2019, e do plan orzamentario a medio prazo 2021-2023.
O Concello de Cervo axiliza ao máximo o pago aos provedores para contribuír a aliviar a carga que soportan neste tempo
Relacionado
-
Portos de Galicia completa a tramitación das solicitudes de reversión de terreos en 25 concellos e agarda resposta do Estado
-
O PP cre que os cambios de ideas da alcaldesa sobre a estación de autobuses evidencian que “non ten proxecto serio para Vilalba”
-
Os residentes da Rúa da Fonte de Mondoñedo piden alternativas ao cambio de nome e propoñen outras formas de homenaxear a Xosé Vizoso
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
