Barreiros, 1 de xuño de 2020. O abandono da xestión das escolas deportivas por parte do Praias de Barreiros vén provocado pola non aceptación polo Concello dunhas condicións “imposibles de realizar, mesmo legalmente”, explica a alcaldesa barreirense.
Segundo fixo público nun comunicado o Concello, o Praias de Barreiros, que ata o de agora recibía unha axuda municipal para as escolas deportivas de 15.000€, pedía incrementar esa cantidade ata os 25.000€, máis unha serie de condicións imposibles, mesmo legalmente.
O Concello asegura que desde o Club esixían da entidade local os seguintes compromisos para continuar coa actividade deportiva escolar:
1.- Eliminación das actividades de ximnasia de mantemento e aerobic para persoas adultas.
2.- Concesión do ximnasio municipal para a súa xestión directa por parte do Club.
3.- Adxudicación dun contrato de limpeza das instalacións por importe de 12.000€ anuais.
4.- Contratación por parte do Concello de Barreiros do persoal do Club nos meses de verán en caso de ser preciso.
Ante a negativa do goberno municipal a aceptar ditas condicións, o club anunciou o abandono das escolas deportivas e a posible disolución do Praias de Barreiros.
A alcaldesa explica que “as condicións esixidas eran claramente inxustas, abusivas e imposibles de cumprir, mesmo legalmente; supoñendo a súa aceptación un precedente que este goberno municipal non vai marcar e un xeito de actuar cruzando liñas que non estamos dispostos.”
A mandataria local explica que a oferta do Concello foi manter a axuda de 15.000€ para as actividades das escolas deportivas e incrementar a subvención ao Club, pasando dos 600€ actuais aos 2.000€, igualándoa así aos outros dous clubs de fútbol locais “que reciben 2.000€ anuais e se fan cargo das súas propias instalacións deportivas.”
Ana Ermida explica que a situación económica municipal non permite renovar un contrato de xestión do ximnasio municipal que no ultimo anos deixou un déficit de máis de 22.500€ e que xestionaba por subrogación o mesmo Club.
Desde o goberno municipal aclaran que a xestión do ximnasio e a prestación de actividades das escolas deportivas “son absolutamente independentes” e a vinculación que poida facer o Club como un xeito de financiar os gastos non pode ser condición para o mantemento dese gasto con cargo ás arcas públicas.
A alcaldesa explica que “na actual situación económica e social ninguén entendería que se continuase con un nivel de gasto arredor dun proxecto concreto tan elevado, que nada ten que ver co que reciben outros clubs e que se estivesen medindo outros gastos municipais vitais para o Concello.”
Nese sentido, Ana Ermida, manifesta que “estamos xa traballando na alternativa de xestión para poder prestar as escolas deportivas e, mesmo o servizo do ximnasio, cun custo máis adecuado á realidade económica municipal e, polo tanto, menos lesivo para as arcas locais”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.