Lugo, 1 de xuño de 2020. Baixo a presidencia do socialista José Tomé, a Deputación de Lugo descarga de maneira incomprensible as súas responsabilidades directamente nos concellos, xa moi saturados como consecuencia da crise sanitaria e das consecuencias económicas que provocou. Así o entende o portavoz provincial do PP, Javier Castiñeira, que ve claramente insuficientes as medidas de apoio ao tecido produtivo anunciadas por Tomé, porque non van máis aló de iniciativas de promoción e formación: “Son necesarias, si, pero son só unha pequena parte do impulso que hai que dar desde a Deputación”. Castiñeira asegura que, así, “a falta de compromiso da Deputación obriga aos concellos a sacar liñas propias de axuda aos sectores produtivos”. Nese sentido, destaca que un deses concellos é o de Monforte, do que é alcalde José Tomé. “Máis de 4.200 pemes e autónomos e 16.487 traballadores afectados por ERTE na provincia non verán nin un só euro en axudas directas da Deputación, debido ao escaso compromiso de PSOE e BNG, que votaron en contra do plan de reactivación, por oito millóns de euros, proposto polo PP”.
O PP está convencido de que o goberno presidido por José Tomé carece dunha política económica clara, definida; é un déficit que se fixo evidente coa crise sanitaria. Castiñeira ve “unha xestión nefasta, que fai que o goberno provincial non sexa capaz de optimizar os grandes recursos económicos que posúe, como son os 93 millóns de orzamento do 2020 e os 67 millóns de euros de remanentes”. Recorda que, “no pasado pleno, o goberno intentou que na orde do día os asuntos económicos pasaran desapercibidos, porque confirmaban que incumpriu a estabilidade e a regra de gasto no 2019 e incumpre o plan económico financeiro, o que conleva que a Deputación sexa apercibida e non poida gastar 4,5 millóns que podían ir ao plan de reactivación”. Explica que “eses cartos quedan provisionalmente paralizados nunha partida de gasto non dispoñible para o 2020” O portavoz popular da un consello a socialistas e nacionalistas: “Señores do bipartito, fáganlle máis caso aos técnicos e ao PP, menos desculpas e máis rigor nas contas”
Castiñeira tamén di: “A Deputación, ao non asumir a responsabilidade que lle corresponde na axuda ao tecido produtivo, descarga nos concellos, aos que obriga a sacar liñas de axuda. Quero deixar claro que vemos positivas as medidas anunciadas para formación e para promoción do comercio local, a hostalería e o turismo. Pero son insuficientes, totalmente insuficientes. Vemos tamén positiva a vía aberta por medio de Abanca, pero é unha iniciativa desta entidade”.
O portavoz popular manifesta: “Unha vez máis, instamos ao presidente Tomé a xestionar a Deputación de modo que o organismo provincial teña a implicación necesaria, directamente, para axudar ao tecido produtivo lucense a superar as dificultades económicas derivadas da crise sanitaria. Non lle chame Plan Poscovid, se non quere, señor Tomé, chámelle como queira, pero artelle liñas de axuda aos nosos autónomos, ás nosas pequenas empresas, que as necesitan moito, e son o soporte da economía da provincia”. Castiñeira está convencido de que “o goberno provincial antepón o gasto nos seus compromisos políticos ás axudas reais ás empresas e traballadores lucenses afectados pola crise da covid-19 e traslada esa responsabilidade aos concellos”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
