Ribadeo, a 3 de xuño de 2020. O voceiro do Grupo Municipal do Partido Popular de Ribadeo, Daniel Vega, destaca o avance nos traballos de mellora da estación de autobuses nos que a Xunta de Galicia inviste 140.400 euros. O popular, acompañado da vicevoceira, Elena Sierra, visitaron estas instalacións nas que se leva a cabo o acondicionamento tanto da estrutura interior, como da exterior.
“Estivemos vendo como xa se iniciaron os traballos de mellora. Esta infraestrutura é a porta de entrada da nosa vila e debía ser mellorada. Por iso, agradecemos a colaboración do Goberno galego, que se traduce nunha renovación considerable da nosa estación de autobuses”, sinala o tamén deputado autonómico.
Concretamente, o proxecto inclúe a renovación da cuberta da dársena, substituíndo o canalón existente; a substitución da rede eléctrica; a colocación de pantallas informativas e de novo mobiliario no interior; a mellora dos falsos teitos; a reparación e cambio de elementos de carpinteiría; e a instalación de novo material sanitario, entre outras actuacións.
“Seguimos sumando e seguimos traballando para traer investimentos ao noso pobo. Mellorar a estación era unha necesidade. Por iso, é tan importante a colaboración institucional á que sempre apelamos e defendemos dende o Partido Popular”, conclúe Vega.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
