Xove, 5 de xuño, 2020. Por mor do Coronavirus, e tomando en conta unha serie de resolucións e normativas estatais e autonómicas, o Concello de Xove veuse obrigado a suspender unha serie de servizos, en especial actividades educativas, de ocio e tempo libre, deportivas, etc. Debido a isto, un número importante de usuarios obrigados ao pago non se atopan en disposición de poder recibir a prestación de determinados servizos pola mera imposibilidade de prestalos, polas circunstancias derivadas do coronavirus.
Segundo o anterior, e para preservalos dereitos dos usuarios e non lesionar os seus intereses, o noso Concello resolve o seguinte:
PRIMEIRO.- En relación coa prestación do servizo de ACTIVIDADES DE OCIO E TEMPO LIBRE, por mor da non existencia de feito impoñible susceptible de ser gravado co correspondente prezo regulado no Artigo 3 do pertinente Acordo Regulador, procede a devolución por importe correspondente a media mensualidade do prezo aboado pola prestación dos servizos durante o mes de marzo de: ioga, ximnasia de mantemento, pilates, aerobic e outras similares, bordado á man e encaixe de bolillos. Asimesmo, e con respecto aos meses seguintes, non procede liquidar o prezo público ata o comenzo da prestación dos respectivos servizos.
SEGUNDO.- En relación coa prestación do servizo de ESCOLA INFANTIL, por mor da non existencia de feito impoñible susceptible de ser gravado coa correspondente taxa regulada no Artigo 2 da pertinente Ordenanza Fiscal, procede a devolución por importe correspondente a media mensualidade da tarifa aboada pola prestación do servizo durante o mes de marzo. Asimesmo, e con respecto aos meses seguintes, non procede liquidar a taxa en tanto en canto non se reinicie a actividade educativa desenvolvida pola Escola Infantil.
TERCEIRO.- En relación coa prestación do servizo de XIMNASIA RÍTMICA, por mor da non existencia de feito impoñible susceptible de ser gravado co correspondente prezo regulado no Artigo 2 do pertinente Acordo Regulador, procede a devolución por importe correspondente a 3 mensualidades e media do prezo aboado en concepto de matrícula durante o exercicio 2019.
CUARTO.- En relación coa prestación do servizo de PISCINA CLIMATIZADA MUNICIPAL E INSTALACIÓNS DEPORTIVAS ANEXAS, por mor da non existencia de feito impoñible susceptible de ser gravado coa correspondente taxa regulada no Artigo 2 da pertinente Ordenanza Fiscal, procede actuar da seguinte forma:
-Cotas de socio anual: procederase á devolución do importe correspondente desde o 14 de marzo e ata o momento da nova apertura ao público da instalación, ben da piscina ou ben do ximnasio, a razón de 7,5 euros por mes completo, tal e como establece o artigo 7 da Ordenanza Fiscal regulamentadora.
-Cotas de socio mensual: o dereito ao uso das instalacións trasladarase a meses posteriores en función do importe das mensualidades aboadas.
-Abonados con bonos de 15 usos: permítese o seu uso ata que o bono se agote eliminándose así para esta situación en particular a caducidade anual destes bonos.
-Cotas de abonado mensual: o dereito ao uso das instalación trasladarase a meses posteriores en función do importe das mensualidades aboadas.
-Cursos da Escola Municipal de Natación que estaban a realizarse no bimestre marzo-abril: ofrecerase a continuación do cursiño noutra data que será comunidada con antelación suficiente, procedendo con respecto a aqueles usuarios que tivesen aboada a tarifa do bimestre e que renuncien ao remate do curso, á devolución do importe correspondente segundo establece o artigo 7 da Ordenanza Fiscal Regulamentadora. Caso de usuarios que non tivesen efectuado o pago e renunciasen a completar o cursiño, deberán aboar o importe correspondente aos servizos prestados ata o 14 de marzo.
-Cursos para colectivos: para a liquidación da correspondente taxa tomarase en consideración, en canto ao mes de marzo, a prestación do servizo durante medio mes.
QUINTO.- Instar aos servizos do Concello encargados da xestión das respectivas taxas e prezos a que se refire o presente Decreto, a tomar as medidas oportunas para dar cumprimento ao mesmo así como a redactar os informes que procedan para que pola Tesourería Municipal se poda proceder á devolución das contías ingresadas polos suxeitos pasivos ou obrigados ao pago.
O Decreto de Alcaldía (DECRETO 2020-0303) citado nesta nota de prensa pódese consultar íntegro na Sede Electrónica do Concello, no Taboleiro de anuncios.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
