Burela, 10 de xuño de 2020. A concelleira de Medio Ambiente, Toñi Eijo, amósase satisfeita polas bandeiras azuis que conseguiron as praias de O Portelo, Ril e A Marosa, o Centro de Educación Medio Ambiental Gaia e o barco museo Reina del Carmen e o sendeiro azul, que renovou tamén, a Ruta do Litoral Burelés. A edil burelesa subliña o compromiso do equipo de goberno para manter e mellorar a calidade ambiental e os servizos que se prestan nos areais e insta á veciñanza a que actúe con responsabilidade.
Para Toñi Eijo “estes recoñecementos, distincións ou galardóns veñen poñer en valor unha vez máis a este municipio no contexto comarcal, provincial, autonómico, nacional e internacional, como punto de referencia na protección e educación ambiental, na calidade da prestación de servizos nos seus areais e no desenvolvemento sostible do sector turístico a través de prácticas que fomentan o coidado do medio ambiente”.
A edil burelesa dixo que “sen prexuízo do anterior, o Concello de Burela, con carácter xeral, e de xeito particular eu mesma, como concelleira de Medio Ambiente, asumimos o compromiso de manter e mellorar a calidade ambiental e a dos servizos dos areais do noso termo municipal, así como de seguir promovendo e controlando a seguridade e a hixiene no seu goce e desfrute, nun contexto tan complexo como o actual, onde deben prevalecer o interese superior da saúde pública sobre calquera outro, para afrontar con garantías a transición cara a nova normalidade, no marco do emerxencia sanitaria provocada polo Covid-19”.
A concelleira de Medio Ambiente instan novamente “ás persoas usuarias das praias do noso municipio, a que actúen con responsabilidade á hora de permanecer e desfrutar dos nosos areais, así como á hora de utilizar as súas instalacións e servizos, cumprindo escrupulosamente as concretas medidas hixiénico-sanitarias e de distanciamento social impostas polas autoridades sanitarias”.
Toñi Eijo agradece “a Adeac, e ao xurado internacional Bandeira Azul, as distincións outorgadas a este Concello, así como tamén agradecer ao persoal desta administración local (socorristas, Protección Civil, Policía Local, monitoras do Centro de Educación Medio Ambiental Gaia, responsable do barco museo Reina del Carmen…), a toda a veciñanza e a todas as persoas que nos visitan acotío, o seu compromiso e o seu bo actuar, para manter, non só os galardóns referidos, senón tamén a calidade das nosas praias”.
Toñi Eijo subliña o compromiso do equipo de goberno para manter e mellorar a calidade ambiental e os servizos que se prestan nas praias de Burela e insta actuar con responsabilidade nos areais
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
