Foz, 14 de xuño, 2020. O secretario xeral do PPdeG, Miguel Tellado, asegurou que Alcoa debe ter futuro e que este pasa por un prezo competitivo da enerxía, sinalando que non se lle está pedindo ao Goberno de Sánchez nada que non fixeran antes os Executivos de Rodríguez Zapatero ou de Mariano Rajoy.
O número dous dos populares galegos participou nunha concentración en Foz para evitar o peche da factoría de San Cibrao onde estivo acompañado pola cabeza de lista ao Parlamento galego pola provincia de Lugo, Elena Candia, por membros da candidatura do PPdeG ás Eleccións Autonómicas e por alcaldes e voceiros do PP da comarca. Alí, todos eles amosaron o seu apoio e respaldo aos traballadores de Alcoa e a todos os veciños da Mariña lucense en xeral.
Como insistiu Tellado, o futuro da factoría é tamén o da Mariña lucense “e non estamos dispostos a renunciar a el”, dixo subliñando que estamos ante unha situación moi preocupante que os populares viñan advertindo de que se podía dar se o Goberno central non asumía a necesidade de adoptar medidas de apoio ao sector da industria electrointensiva.
Nese senso, pediu ao Executivo de Sánchez que faga o mesmo que os Gobernos de Italia, Alemaña ou Francia, ou como tamén fixeron as Administracións de Rajoy e de Zapatero, que é intervir no sector eléctrico, no prezo na electricidade da industria electrointensiva. “É o que lle demandamos, xa que esta planta, a única de España de produción de aluminio primario, non pode seguir competindo na contorna comunitaria se non se garanten prezos que o permitan”, destacou.
O secretario xeral incidiu en que o Goberno de España faga o que leva ano e medio prometendo e non facendo pero que si fixeron Executivos anteriores en situacións similares. “É moi importante para a Mariña lucense e para toda a industria electrointensiva galega, xa que detrás de Alcoa poden vir moitas máis”, sentenciou.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
