Foz, 14 de xuño de 2020. O candidato de Galicia en Común- Anova Mareas á Presidencia da Xunta, Antón Gómez Reino, reiterou hoxe que o Goberno de progreso que a coalición impulsará a partir do 12 de xullo poñerá todos os recursos da Administración autonómica para, en colaboración co resto de institucións do Estado, impedir o peche da factoría de Alcoa en San Cibrao (Lugo).
“Alguén se imaxina que a Xunta deixase caer a Inditex na Coruña, a Coren en Ourense ou a Citroën en Vigo? Pois iso é o que representa Alcoa para a provincia de Lugo. E nós non imos deixala caer. Facelo sería condenar a Lugo a unha agonía industrial que non imos permitir”, dixo.
Gómez Reino asistiu esta mañá en Foz á manifestación convocada polos traballadores da factoría, xunto ao cabeza de lista de Galicia en Común- Anova Mareas por Lugo, Miguel Anxo Fernán Vello, e outros membros da candidatura.
Gómez Reino lamentou que o presidente da Xunta, Alberto Núñez Feijóo, “desprece a toda unha comarca, a toda unha provincia e a todo un país” negándose a exercer as atribucións que lle outorga o Estatuto de Autonomía de Galicia, cuxo artigo 30 lle da plenas competencias en materia de industria, fomento e planificación económica.
“En once anos de Goberno, Feijóo non só se desentendeu de Alcoa, senón de todo o tecido industrial galego, como tamén sucedeu co sector naval. E se queremos reconstruír este país, necesitamos garantir a continuidade de Alcoa en Lugo”, subliñou.
O cabeza de lista por Lugo, Miguel Anxo Fernán Vello, tamén destacou o impacto que suporía o peche da fábrica para a comarca da Mariña e para toda a provincia. “Estamos falando dunha actividade que representa o 30% do Produto Interior Bruto de Lugo. Unha hecatombe que afianzará a desertización económica de Galicia. Mentres tanto, Feijóo permanece agochado sen presentar un plan de viabilidade para a factoría e para comarca”.
“Trátase dun problema de vontade política”, remarcou Fernán Vello, “que só se pode frear mediante a presión social e a acción decidida das distintas Administracións”. “Este é un problema que non só afecta á fábrica de San Cibrao, senón que se reproduce en todo o panorama industrial do país. Diante diso, temos clara cal é a solución: nós defendemos a intervención pública dos sectores estratéxicos, poñendo os recursos e a produción de Galicia ao servizo das necesidades da cidadanía.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
