Burela, 16 de xuño de 2020. O Boletín Oficial da Provincia publica hoxe a modificación das bases de selección para a contratación temporal dun/dunha técnico de turismo ao abeiro do programa Fomento de Emprego 2019, integrado o Plan Único da Deputación de Cooperación cos Concellos.
O concelleiro de Turismo, Ramiro Fernández Rey, explica que “este proceso de selección deu comezo o pasado 12 de marzo, e viuse interrompido polo estado de alarma. De aí que agora, e xa que os prazos administrativos suspendidos se reiniciaron o pasado 1 de xuño, volvemos poñelo en marcha”.
O edil burelés lembra que “a duración inicial do contrato ía ser de 6 meses, pero agora será de 3, dando comezo o 1 de xullo e rematando o 30 de setembro, que é cando remata a subvención. Queremos axilizar todo ao máximo para proceder á contratación desa persoa o antes posible, porque queremos poñer en marcha a oficina de turismo para dar información a todos os turistas que agardamos que chegarán á zona ao longo das vindeiras semanas”.
O prazo de presentación de instancias será de 7 días naturais contados desde o día seguinte ao da publicación do anuncio no BOP de Lugo, é dicir desde mañá. “Si o último día do prazo é inhábil, trasladarase ao primeiro día hábil seguinte”, recolle a modificación das bases.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
