RIBADEO (FNC) .- Esta fin de semana, días 1 e 2 de maio, terá lugar no Auditorio Municipal Hernán Naval de Ribadeo a segunda edición do Certame de Intérpretes Mozos “Hernán Naval”. Esta iniciativa musical está organizada pola Asociación Cultural Musiqueando coa colaboración da Concellaría de Cultura do Excmo. Concello de Ribadeo, a Vicepresidencia Primeira da Excma. Deputación Provincial de Lugo, a Asociación Amadores da Música e máis a Escola Municipal de Música e Danza de Ribadeo. O certame, organizado en homenaxe á figura de Hernán Naval, director da escola de música e máis da banda de Ribadeo, quere proporcionar ás mozas e mozos que se adican ao mundo da música un espazo no que amosar os seus coñecementos. Ao mesmo tempo procúrase manter vivo o compromiso de Hernán Naval coa xente nova que decide facer carreira no eido musical.
A organización do certame mostrou a súa satisfacción “polo elevado número de solicitudes recibidas para participar no certame”. Segundo sinalou Suso López, presidente da Asociación Cultural Musiqueando, “na categoría profesional cubríronse as dez prazas que se ofertaban, tendo incluso que deixar xente en lista de agarda. No caso do grao superior alcanzamos as oito solicitudes de dez previstas, unha cifra que nos permite estar moi satisfeitos co traballo de promoción e difusión feito antes do certame. Agora cómpre demostrar durante a realización dos concertos que estamos diante dun evento cultural que se vai consolidando pouquiño a pouco e que ten viabilidade de seguir desenvolvéndose cara o futuro, sobre todo co decidido apoio co que contamos tanto a nivel administrativo como tamén asociativo, a través de Amadores da Música”.
As mozas e mozos participantes chegan dende diferentes lugares de Galicia, incluida a comarca da Mariña, así coma o Occidente de Asturias, e aumenta o número de especialidades presentes, dende o violín á frauta, o piano, a percusión, a trompa ou o saxofón, entre outras.
A composición do xurado, formado por tres persoas, darase a coñecer no acto de recepción oficial ás e aos participantes que se vai celebrar o vindeiro sábado, día 1 de maio, ás 13.00 horas, na Casa do Concello de Ribadeo.
Programa de concertos
Será unha fin de semana intensa, tanto para as e os participantes no certame como tamén para o público que desexe acudir ás actuacións, todas elas de libre acceso, no Auditorio Municipal “Hernán Naval”. As semifinais do certame comezarán o sábado, día 1, ás 17.00 horas coa actuación das mozas e mozos de grao profesional e continuarán ás 19.00 horas coa quenda das e dos de grao superior. Unha vez rematas as actuacións de cada unha das categorías o xurado procederá á deliberación e máis á proclamación dos cinco finalistas de cada unha das categorías a concurso. As e os seleccionados para pasar á final actuarán, tamén no Auditorio Municipal Hernán Naval de Ribadeo, na tarde do domingo. Ás 18.00 horas iniciaranse as actuacións da categoría profesional e unha hora despois, ás 19.00 horas, as de grao superior. Durante a final, o xurado escoitará a todas as mozas e mozos participantes, tanto nunha categoría coma noutra, antes de emitir o seu veredicto. Durante a súa deliberación actuará o grupo de danza da Escola Municipal de Música e Danza de Ribadeo, dirixido por María Justo.
Unha vez rematada a actuación darase a coñecer o nome das persoas gañadoras da II edición do Certame de Intérpretes Mozos “Hernán Naval” de Ribadeo. Suso López fixo un chamamento “a todas aquelas persoas aficionadas á música e a cultura a pasar polo Auditorio Municipal para disfrutar de dúas tardes de moi boa música, cun amplo abano tanto de especialidades instrumentais coma de obras para interpretar, así como co nivel das e dos profesionais presentes, que consideramos extraordinario”.
A segunda edición do Certame de Intérpretes Mozos “Hernán Naval” de Ribadeo repartirá un total de 1.700 euros en premios.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
