BURELA (FNC) .-. A tenente de alcalde, Neves Cando, asegura que a emisora municipal suporá un canle de transmisión e comunicación das inquedanzas dos veciños, das veciñas, dos colectivos e das asociacións de Burela. A edil nacionalista acusa ao PP de mentir porque no primeiro ano de vida a emisora terá un custe cero para o Concello.
Neves Cando explica que “dende o equipo de goberno do Concello de Burela imos propoñer para aprobar no pleno de hoxe a creación dunha radio municipal así como o regulamento interno do seu funcionamento, requisitos pedidos pola Xunta de Galicia cando iniciamos os trámites para poñer en marcha este servizo”.
A concelleira nacionalista asegura que “se trata de poñer en marcha unha emisora local que sirva de comunicación entre os veciños e as veciñas de Burela, que estimule a participación cidadá na vida municipal e que promocione a música, a cultura, o deporte, a arte en xeral en todas as súas facetas con programas nos que participen as distintas asociacións e colectivos do concello de Burela. Ese é noso obxectivo e a nosa finalidade e para organizalo todo propoñemos un regulamento de funcionamento, onde un consello asesor, formado por representantes de todos os grupos políticos e tamén polas asociacións de veciños, culturais e deportivas de Burela, prepare un deseño de programación que despois aprobará o pleno da Corporación, que vai ser quen teña, como así o marca a lei, o control da emisora municipal. Éste é o noso propósito e a nosa intención e quen non o vexa así é que non se entera ben das cousas ou que non se quere enterar”.
Cando segue a relatar que “levamos 2 anos traballando no tema para solventar problemas técnicos coa antena de emisión e para facer unha proposta que supoña custo cero para o Concello de Burela e iso é o que vai pasar. Durante o primeiro ano de vida da emisora municipal o custe para Burela será cero posto que o persoal e o material serán asumidos pola Asociación de Emisoras Municipais Galegas, unha entidade creada no ano 1988 que ten como obxectivo o asesoramento ás Corporacións locais en materia de radio e televisión municipal así como a colaboración e coordinación de iniciativas para mellorar a calidade das emisoras dos Concellos e á que están adheridas Concellos galegos de todas as cores políticas desde o PP ata o BNG. E a partir deste primeiro ano cando vexamos os resultados da emisora municipal xa veremos si continuamos ou non con este sistema e xa artellaremos as medidas necesarias para continuar”.
A tenente de alcalde acusa ao PP de mentir “e tenta confundir aos veciños e veciñas de Burela dicindo que nos vai costar 50.000 euros, minten e falan por falar con tal de protestar por todo. O que ten que dicir o PP aos veciños e veciñas de Burela é por qué non quere que teñamos unha emisora municipal a custe cero para que as asociacións, os colectivos, a mocidade, o deporte, os nosos maiores e as mulleres poidan ter unha canle de comunicación e transmisión das súas inquedanzas e dos seus traballos, algo polo que dende que empezamos a traballar neste tema xa se interesaron asociacións e colectivos do noso concello”
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
