Lugo, 7 de xullo de 2020. A portavoz do BNG en Europa, Ana Miranda, e a cabeza doe lista do BNG de Lugo, Olalla Rodil, denunciaron o abandono que sofre Lugo a respecto das conexións ferroviarias e a escasa actividade da súa estación. As nacionalistas subliñaron que o BNG ten o firme compromiso de impulsar un sistema ferroviario público, o Galtren que vertebre o país e que dea servizo de proximidade á cidadanía cun goberno de cambio galego liderado por Ana Pontón tras o 12 de xullo.
“Unha vía sen electrificar e con moitas dificultades para chegar a outras cidades: esta é a realidade ferroviaria en Lugo”, denunciou Ana Miranda na súa visita á estación, na que tamén participou o portavoz municipal Rubén Arroxo e responsables nacionalistas da comarca. No encontro, Miranda explicou a súa propia experiencia tratando de viaxar de Vigo a Lugo: “o primeiro tren do día sae ás 17.15 da tarde e chega ás 21.26, polo que tiven que vir en coche, polo que non se pode ir e vir no día. Esta é a Galicia, Galicia, Galicia que di Feijóo”.
Para Ana Miranda esta situación é “un desleixo e un agravio, sobre todo existindo fondos europeos que poderían vir para a modernización do tren”. Neste sentido lembrou a aprobación dun fondo europeo de 320 millóns de euros do Fondo Europeo de Investimento. “Os gobernos dunha e outra cor, do PP e do PSOE están deixando fondos europeos sen executar no noso pais”, criticou a portavoz do Bloque en Europa.
“Desde o BNG queremos exercer as nosas competencias, para poder ter un tren digno, de cercanías, que una e vertebre o noso país, o noso territorio, entre a costa e o interior; e cuxos traxectos teñan un prezo normal”, explicou Ana Miranda, quen sinalou que o prezo do billete entre Vigo e Lugo é de 23,50€. “De Bruxelas a París, que son 287 quilómetros, estou en hora e media”, apuntou.
Cohesión do territorio
Pola súa banda, a candidata nacionalista Olalla Rodil, destacou que ao feito da dificultade de viaxar de Vigo a Lugo, súmase que nesta lexislatura o PP suprimiu o autobús que conectaba de maneira directa a cidade de Lugo coa cidade de Vigo. “Hoxe mesmo é imposible chegar de maneira directa por carreteira en autobús á cidade de Lugo desde Vigo. Este é o exemplo de cal é o grao de illamento que temos nesta provincia, da falta de servizos que conecten a poboación”.
“Temos claro que este 12 de xullo esta situación ten que quedar atrás. Necesitamos activar, vertebrar e cohesionar o territorio e a nosa poboación como un elemento fundamental para desenvolver todas as potencialidades que temos en Lugo”, subliñou a candidata nacionalista. Nesta liña salientou que o BNG propón a creación do Galtren, o tren de proximidade galego “facendo valer as nosas competencias para deixar atrás a Galiza parada do Partido Popular e 11 anos de desleixo e de desconexión de Lugo co resto do país”.
Segundo salientou Olalla Rodil “ten que vir un tempo novo da man de Ana Pontón e o BNG coa aposta decidida polo tren de proximidade, un medio de transporte máis sostible que calquera outro”. Ademais, a candidata do Bloque lembrou o moito que leva pelexado Ana Miranda “para que Galiza se conecte co corredor atlántico de mercadorías, que tamén ten un punto clave no porto seco de Monforte, pero que segue criando silveiras por culpa do PP”, concluíu.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
