Santiago de Compostela, 7 de xullo de 2020. A secretaria xeral de Emprego, Covadonga Toca, o secretario xeral técnico da Consellería de Cultura e Turismo, Manuel Vila, e a directora xeral de Comercio e Consumo, Sol Vázquez, mantiveron hoxe unha xuntanza telemática co sector turístico da Mariña na que se lles informou e asesorou sobre a normativa laboral vixente e as axudas autonómicas para a recuperación económica.
En materia laboral, Toca explicou o contido do Real Decreto Lei 24/2020, de 26 de xuño, para prorrogar os ERTE e as medidas que se poden adoptar en caso de rebrotes pola covid-19 como é a solicitude de ERTEs de forza maior. Tamén explicoulles as medidas para o teletraballo e a conciliación.
En canto ás axudas postas en marcha na área de Emprego, dentro do Plan de recuperación económica, informou, entre outros, do Cheque do Autónomo, uns apoios que se poden solicitar desde hoxe e que cobren os gastos do día a día, como son a loxística e o transporte de envíos (ata 3€ por envío); o pagamento por estar nunha plataforma de e-commerce local; o pago por licenza de uso de software de venda online; promoción en redes sociais; gastos correntes de seguridade motivados pola covid-19, entre os que se encontran os gastos en máscaras, guantes, desinfectante, limpeza, mamparas e asesoramento en prevención de riscos laborais; e os gastos de subministracións e telecomunicacións.
A medida ofrece financiamento do 100%, ata un límite de 1800 euros, e inclúe anticipos do 100% cubrindo os gastos realizados desde a declaración do estado de alarma ata o 31 de decembro deste ano. Con esta iniciativa preténdese favorecer a consolidación dun emprego autónomo estable e de calidade.
Pola súa banda, o secretario xeral técnico da Consellería de Cultura e Turismo avanzou que a comarca da Mariña contará co apoio necesario da Xunta para impulsar accións específicas de promoción dirixidas á reactivación da demanda, estimulando tanto o turismo interno como os mercados de proximidade. Á espera de concretar a repercusión que esta situación teña na tempada estival, activaranse mecanismos que permitan superala e incidir nas características que fan da Mariña un destino sustentable e singular.
Darase así continuidade ao traballo en marcha co sector turístico lucense no marco do programa Galicia destino seguro, no que o Goberno autonómico xa asinou un convenio de colaboración coa Asociación Provincial de Empresarios de Hostalería de Lugo (APEHL), que inclúe accións de formación online en materia hixiénico-sanitaria. Ademais, lembrou que o sector dispón dun servizo de asesoramento para empresas e profesionais.
Na área de Comercio, Vázquez puxo en valor as novas liñas de axudas Reactiva Comercio e Servizos Seguros, que vén de poñer en marcha a Xunta para facilitar á volta á actividade en condicións de confianza para os consumidores, apoiando así a transformación dos locais.
Estas dúas iniciativas, coas que colaboran as consellerías de Economía, Emprego e Industria; Cultura e Turismo (no marco do plan Galicia destino seguro); e Infraestruturas e Mobilidade, teñen como obxectivo cubrir os gastos realizados para a adquisición de equipos de protección individual e de desinfección; a adaptación dos espazos con equipamento de seguridade e redución do contacto entre persoas; a realización das obras de renovación, limpeza e ventilación do aire; e a posta á disposición dos clientes de información relativa ás medidas hixiénicas e de protección.
A través destes apoios, os establecementos comerciais, empresas do sector turístico e salóns de peiteado de menos de 10 traballadores poden obter apoios polo 100% das medidas activadas, desde 300 a 1200 euros. Por outro lado, as pemes de menos de 50 traballadores tanto destes sectores como do transporte, os servizos e as actividades profesionais poden beneficiarse de apoios directos do 80% do custo nas medidas de seguridade precisas, desde un mínimo de investimento de 1500 euros ata un máximo de 3750, sendo polo tanto a axuda máxima de 3000 euros.
Apoio á dixitalización
Así mesmo, destacou a publicación hoxe no Diario Oficial de Galicia (DOG), das axudas á dixitalización de pemes, que se poden solicitar a partir de mañá. Cofinanciadas polo Fondo Europeo de Desenvolvemento Rexional (Feder), a Xunta destina 5,4 millóns de euros co obxectivo de facilitar a modernización e mellora da competitividade das empresas a través da interconexión dixital entre compañías vinculadas pola súa actividade e a dixitalización de procesos produtivos, ao tempo que se impulsa a xeración de iniciativas de colaboración.
Os representantes da Xunta informaron, ademais, do Galicia Exporta Dixital para impulsar a chegada a novos mercados e potenciar as vendas online -xa que por primeira vez poden acceder os comercios-.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
