Ribadeo, 7 de xullo de 2020. O alcalde, Fernando Suárez, asegurou esta tarde que o presidente da Xunta, Alberto Núñez, “lle fixo un pésimo favor á Mariña lucense” por non ter tomado antes medidas tendentes a evitar que o brote de coronavirus se fora espallando pola comarca. Suárez Barcia alude á alarma social desencadeada e aos baixos niveis nos que se atopa a actividade económica e avoga polo aprazamento das eleccións autonómicas na Mariña.
O rexedor dixo que “os datos oficiais que o conselleiro de Sanidade nos deu hoxe indican que Ribadeo segue tendo 2 contaxiados, dunha poboación de practicamente 10.000 habitantes. Esta cifra está evidentemente moi distante de onde existen outros focos de contaxio na mesma comarca; e digo isto con toda a prudencia porque sendo hoxe así non quere dicir que mañá ou pasado a cifra se poida incrementar”.
Para Suárez Barcia “outra cousa é o modo en que se nos dan os datos por parte da Consellería, que cada día é dun xeito diferente. Se o goberno da Xunta quere inspirar confianza na xente debe ser transparente e dar toda a información de xeito honesto e obxectivo aos Concellos, para que así a cidadanía poida tomar conciencia e se implique no control e na derrota do coronavirus”.
O alcalde ribadense manifestou: “eu tamén desaprobo profundamente o xeito de actuar da Xunta de Galicia na xestión deste brote de coronavirus na nosa comarca porque sabendo como sabían desde hai días que había un repunte en determinado punto da Mariña non tomaron as medidas a tempo, confinando un edificio, unha rúa ou mesmo un concello enteiro; e permitiron que se fose espallando o virus. Provocouse unha alarma social terrible, a actividade económica está a niveis baixísimos e aínda que agora, nos próximos tempos, a Xunta poida liberar a varios concellos deste confinamento, teño que dicir que o señor Feijoo lle fixo un pésimo favor á Mariña. A ver agora como recuperamos a confianza porque o foco mediático de todo o Estado estivo abrindo informativos na Mariña día si e día tamén. A miña pregunta é se volverán estes mesmos medios de comunicación a dicir que reabrimos outra vez; a min desde logo gustaríame, pero xa se sabe que as malas noticias enseguida se espallan polo mundo e as boas é mais complicado”.
Fernando Suárez referiuse á xornada electoral do vindeiro 12 de xullo: “e outra cousa que nos provoca pavor é o propio día das eleccións. Parécenos unha irresponsabilidade que se permita ir votar ás mil persoas que están confinadas nestes momentos por prescrición médica e, desde logo, hoxe, máis que nunca, faise necesario esixir que as eleccións, cando menos na comarca da Mariña, sexan aprazadas porque non se dan as garantías de seguridade e de saúde necesarias para exercer un dereito tan fundamental como é o voto libre, segredo e con seguridade”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
