Viveiro, 8 de xullo, 2020. O candidatos da Mariña, Elena Candia e José Manuel Balseiro, e a candidata número 5 pola provincia da Coruña, Ethel Vázquez, mantiveron este mércores xunto ao portavoz popular de Viveiro, Óscar Rodríguez, un encontro de traballo co tecido asociativo viveirense no que puxeron en valor os investimentos que nos últimos anos ten realizado o Goberno Feijóo neste municipio e na comarca en materia de infraestruturas. Tamén sinalaron os que ten previsto acometer nos vindeiros catro anos se o PPdeG obtén a confianza dos galegos este domingo nas urnas para acadar “unha Galicia verde, unha Galicia Moza, unha Galicia Familiar e unha Galicia Innovadora na que se están a centrar os esforzos”.
Concretamente, en materia de mobilidade abordaron o Plan de Transporte Público que se está a implantar no conxunto da Comunidade e co que se fará chegar os beneficios que hoxe en día ten o Plan de Transporte Metropolitano ao conxunto do territorio. No caso concreto do Concello de Viveiro incluiranse as liñas comarca da Mariña Occidental e A Coruña-Lugo-A Mariña con anexos.
O obxectivo é ofrecerlle aos veciños vantaxes e descontos no transporte público interurbano dependente da Xunta. Así, os veciños de Viveiro e da Mariña poderán usar a tarxeta TMG, que supón bonificacións importantes para os usuarios no transporte público interurbano; e tamén os menores de 21 anos poderán empregar a tarxeta Xente Nova, coa que poderán viaxar gratis nas liñas de autobús que dependen da Xunta. Ademais da mellora dos servizos de autobús, o Goberno Feijóo tamén está a apostar pola mellora das infraestruturas. Xa se remataron os traballos de reparación e mellora da estación de autobuses viveirense que supuxeron un investimento de 221.000 euros.
INFRAESTRUTURA VIARIAS
O reforzo da competitividade, coa mellora das infraestruturas tamén centrou o encontro. Investíronse 100 millóns de euros na posta en servizo da VAP Costa Norte, dos que 50 millóns foron para a Variante de Ortigueira e o treito Celeiro-San Cibrao. “O noso compromiso é seguir avanzando na construción da VAP. O treito da ría de Viveiro será o primeiro que acometeremos”, adiantou Vázquez.
Asemade, a popular lembrou que existe unha proposta para a construción dunha nova ponte sobre a ría de Viveiro e para a conexión da VAP coa LU-540, así como que xa se formalizou o contrato para a redacción do proxecto de acondicionamento da estrada Viveiro-Cabreiros; actuación na que se investirán 2,6 millóns de euros.
En materia de saneamento, sinalou que xa se lle remitiu o convenio asinado ao Concello e á Deputación para minimizar o risco de asolagamento no barrio da Xunqueira, apoiando así á entidade local “na adopción das medidas precisas para protexer á poboación ante episodios de enchentes”. Para o saneamento integral da ría ampliarase e mellorarase a depuradora de Viveiro con 3 millóns de euros, de tal xeito que as obras se iniciarán este mesmo verán, e tamén se está a ultimar o proxecto de saneamento de Celeiro e a mellora da condución de vertido da EDAR, que conta cun orzamento de 3,5 millóns de euros.
ALCOA E COVID
Ethel Vázquez agradeceu a asistencia dos participantes na xuntanza telemática que iniciou trasladando o apoio do Goberno de Galicia a unha comarca que “non está a pasar o seu mellor momento coa situación de Alcoa e os brotes da covid-19”. A este respecto, manifestou que dende a administración autonómica “estamos traballando e seguiremos vixiando a progresión do brote, protexendo a saúde dos mariñaos e tamén reducindo as posibilidades de contaxio”.
Polo que se refire á planta de San Cibrao, lembrou que o Goberno galego xa deixou claro que apoia a intervención temporal de Alcoa mentres non se peche unha tarifa enerxética que faga viable a factoría; todo o contrario, dixo, do que está a facer o Executivo de Sánchez que, “coa súa actitude de non establecer un prezo eléctrico competitivo, está deixando caer a industria electrointensiva e, con elo, prexudicando a esta comarca da Mariña. Non é razoable, nin lóxico, nin comprensible”, manifestou.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
