Burela, 14 de xullo de 2020. O alcalde, Alfredo Llano, asegura que hoxe son 125 os positivos por Covid neste concello e 293 as persoas que están en seguimento. O rexedor subliña que Burela leva dous días sen rexistrar novos positivos, que seguen a baixar as cifras de contaxiados e de casos que se atopan baixo control sanitario nos seus domicilios. Llano felicita á poboación polo seu comportamento e agarda que a cadea de contaxios se corte para volver canto antes á nova normalidade.
Alfredo Llano explicou que “estamos chegando a uns resultados extraordinarios, porque nin hoxe nin onte houbo ningún positivo e pasamos de 144 a 125. Por tanto, esta é unha cuestión que nos da optimismo, nos da esperanza, e penso que se están facendo as cousas con xeito. En canto aos confinados temos 293. A medida que pasen os días isto se irá aclarando moito máis e iremos rebaixando considerablemente tanto os positivos como os confinados”
O alcalde recoñeceu que “é un pouco fastidiado, respecto á mobilidade e noutras cousas xa que non podemos facer o que nos gustaría”, pero remarcou “estamos respondendo perfectamente ao noso obxectivo, que non é outro que cortar a cadea de contaxios que había respecto ao primeiro brote”.
Llano tamén agradece aos veciños e veciñas de Burela o seu su comportamento estes días: “hai que ter en conta unha cousa, estendeuse por parte da veciñanza de Burela a responsabilidade compartida que debemos ter entre todos para non ter nin un solo positivo e penso que a xente estase comportando dunha forma exemplar e son conscientes do que nos xogamos”.
O rexedor burelés engadiu: “quero darlle os parabéns á xente de Burela, pero hai que continuar facendo esta labor de responsabilidade compartida para rematar con 0 positivos e 0 confinados. Penso que se están tomando as medidas axeitadas e están dando os resultados que se queren. Isto da un pouco de confianza para que nos recuperemos non excesivamente rápido, pero si pouco a pouco para poder normalizar a vida tanto socioeconómica como sanitaria”.
Alfredo Llano tamén se referiu ás eleccións do pasado domingo e declarou “foron un exemplo claro de responsabilidade e de gardar os protocolos e facilitar a labor de todo o mundo e que todo o mundo puidera votar da mellor maneira posible, respectando a distancia para eliminar os contaxios e penso que é meritorio dun encomio para o pobo de Burela”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
