Cervo, 14 de xullo de 2020. O alcalde de Cervo, Alfonso Villares, amosouse esperanzado no día de hoxe logo de coñecer este mediodía, da man do conselleiro de Sanidade, Jesús Vázquez, os datos actualizados da evolución do brote de COVID-19 na Mariña que confirman un descenso notable dos casos activos -21 positivos menos, 163 casos activos no día de hoxe-.
O rexedor apuntou que son datos que debemos asumir con cautela e con responsabilidade e sen relaxar en ningún momento as medidas de prevención que son fundamentais para evitar a propagación do virus.
A espera de que se poida confirmar nos próximos días esa tendencia positiva tal e como todos agardamos, “temos que poñer en valor o gran traballo feito nestas semanas polo profesionais sanitarios e pola propia consellería, porque estes datos sempre analizados coa prudencia que require a situación, constatan que as medidas que se tomaron para conter o brote foron e están a ser as axeitadas”.
Villares quixo agradeceu así mesmo ao conselleiro e a todos os profesionais que o acompañan en cada videoconferencia “que nos manteñan puntualmente informados da evolución do brote a través dunha videoconferencia diaria na que participamos todos os rexedores da bisbarra; tamén destacou a realización de numerosas PCR – máis de 3.500 a día de hoxe- como factor clave “para poder acoutar o brote”.
O rexedor cervense agarda que canto antes e sempre baixo criterios médicos, se poida confirmar esta tendencia positiva –en Cervo hai un caso activo- “que nos permita recuperar esa nova normalidade tan necesaria para moitos pequenos empresarios, para moitas familias que o están a pasar realmente mal con esta crise”.
O alcalde tamén lamentou que a bisbarra se convertese no foco mediático a nivel nacional estes últimos días a raíz do brote de COVID-19; e considerou do mesmo xeito “desafortunados” os comentarios vertidos e as palabras, nalgún caso, temerarias, que alarmaron máis do necesario; sen medir os danos colaterais que podían provocar na economía das nosas vilas que viven en boa parte dos seus potenciais turísticos; e que esperemos que non condicionen en ningún caso o que nos queda de verán.
Villares recordou que é imprescindible continuar respectando todas as medidas de seguridade; e tamén afondou na importancia de ser solidarios os uns cos outros para entre todos poder rexurdir canto antes desta crise.
Villares: “A evolución positiva do brote do Covid-10 constata que as medidas tomadas polos profesionais sanitarios e pola Consellería foron as acertadas”
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
