Barreiros, 14 de xullo de 2020. O Concello de Barreiros vén de iniciar o arranxo de varias vías municipais co parque móbil da Deputación, que se desprazou ata o municipio costeiro e actuará en vías municipais ata finais de mes.
O concelleiro de obras, Antonio Veiga explicou que “se iniciou na mañá de hoxe o arranxo con asfaltado dun camiño en Seoane, na parroquia de Cabarcos e continuará co arranxo dos accesos á Granda, na Rilleira.” O delegado de obras informou de que durante “estes días pode haber pequenas molestias na circulación por esas vías con motivo das obras, que agardamos que sexan as menos posibles e que se desculpen por tratarse das necesarias para poder acometer as melloras dos viais.”
Os traballos en Barreiros retomaranse en setembro, á volta do descanso do persoal do parque móbil, e achegaranse a realizar traballos de asfaltado a outras parroquias, coma Celeiro, San Miguel e Reinante.
A alcaldesa, Ana Ermida, agradeceu a colaboración da institución provincial na realización destes traballos “sen a que non sería posible acometelos, pola falta de medios propios do Concello de Barreiros.”
Ermida asegura que “esta é unha mostra da colaboración entre administracións para dar resposta ás necesidades das veciñas e veciños e así o entendeu o presidente da Deputación desde o primeiro momento no que o goberno municipal lle fixo chegar a solicitude do parque móbil de maquinaria.”
Nas vindeiras semanas está previsto tamén o inicio dos traballos relativos ás baixas obtidas na adxudicación do plan único do 2019.
Barreiros inicia o arranxo de vías municipais co parque móbil da Deputación
Relacionado
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).