Lugo, 16 de xullo de 2020. O Presidente da Deputación de Lugo, José Tomé Roca, e o Alcalde de Ourol, José Luis Pajón Camba, asinaron este xoves no Pazo de San Marcos o convenio de colaboración da institución provincial con este municipio para a celebración do IX Festival do Aturuxo, na parroquia de Santiago de Bravos. A través deste convenio, a Deputación achega 15.000 euros para colaborar no financiamento desta cita musical, que, por mor da crise sanitaria da COVID-19, quedou aprazada ata despois do verán.
José Tomé destacou a importancia de manter este tipo de colaboración cos concellos e co tecido asociativo da provincia, sobre todo neste momento de crise provocada polo coronavirus, no que é máis necesario impulsar iniciativas que contribúan a dinamizar a economía e o turismo.
Este é precisamente o obxectivo do Festival Aturuxo de Ourol, ademais de poñer en valor a cultura galega, pois cada edición desta cita reúne a grupos e artistas de referencia no panorama musical tradicional.
Este evento estaba previsto para o vindeiro 31 de xullo e 1 de agosto, pero dende a organización decidiron aprazar as datas de celebración esperando que poida realizarse unha vez pasada a época estival e establecendo todas as condicións de prevención e seguridade necesarias para o público asistente, músicos e voluntarios que participan nesta cita.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
