Alfoz, 19 de xullo, 2020. O pasado venres 10 de xullo os parques públicos e áreas recreativas de Alfoz apareceron pechados, unha medida que, desde VIA Alfoz, consideran “cando menos singular tendo en conta que estas áreas permaneceron abertas, e sen ningunha indicación de límite de aforo, durante o período de limitación de mobilidade iniciado o día 5, e que precisamente rematou o día en que se produce o peche”, ademais recordan que esta medida se realizou sen ningún tipo de anuncio previo.
Desde VIA Alfoz valoran que se debería permitir o acceso a áreas ao aire libre como os parques públicos, indicando as limitacións de aforo nas zonas de xogo, e manténdoas en condicións adecuadas para o seu uso pois, segundo indican, “sáelles mellor mantelos pechados no canto de limpalos”, en alusión á habitual falta de mantemento dos diferentes espazos públicos.
Mención especial ten o Parque Alcalde José Palmeiro, próximo as vivendas sociais e á vivenda comunitaria. Con respecto a esta última, desde VIA queren facerse eco da descontento dos usuarios pois “é normal que non entendan como o parque segue pechado e nin sequera podan pasear por este espazo ou sentarse á sombra”, situación que se suma ao estado de abandono no que frecuentemente se atopa o parque, “por non falar das beirarrúas e incluso as inmediacións da propia Casa do Concello”.
Pola contra, desde o Concello de Alfoz, ven de anunciarse que o vindeiro luns 20 de xullo abrirá a piscina municipal, en contra das medidas tomadas por outros concellos. Desde VIA Alfoz recordan que foron críticos con este tema no pleno de aprobación dos Orzamentos, onde se consignaron partidas para diferentes obras na piscina municipal e para a súa posta en servizo “mentres non se aprobou ningunha axuda para o noso tecido empresarial para paliar os efectos do Covid-19”. Ademais, indican que outros concellos foron mais cautos e decidiron non abrir este verán, e incluso aproveitaron este ano para facer obras de mantemento, “aquí facemos ao contrario, a día de hoxe non nos consta que se fixesen as obras presupostadas e sen embargo decídese abrir”.
Ademais recordan que, para abrir, teranse que tomar medidas especiais que suporán un custe adicional, e insisten que “desde VIA non nos imos opoñer á apertura da piscina municipal sempre que se cumpran as condicións sanitarias e as instalacións estean en condicións adecuadas, pero non entendemos como se abre este espazo e non se permite o acceso aos parques. Tampouco entendemos como se gastan os cartos dos nosos veciños nunha instalación que estará aberta a todo o mundo, sexa ou non veciño de Alfoz, que polas condicións especiais de aforo solo beneficiará a uns poucos, e pola contra non se tomen outras medidas respecto ao Covid-19, como axudas ás nosas empresas ou reparto de máscaras, entre outras” tal e como reclamou VIA Alfoz no pleno de Orzamentos.
Desde VIA Alfoz suxírenlle ao goberno municipal que se fixe mais nas medidas que toman os concellos veciños e que acceda a aprobar as propostas que VIA Alfoz lle formula desde a oposición en cada Pleno. “Critican que non facemos propostas, algo totalmente falso, o que pasa é que cada unha das propostas que facemos son reprobadas polo PSOE, o que evidencia a intransixencia do actual goberno municipal”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
