Lugo, a 26 de xullo de 2020. A presidenta provincial do PP, Elena Candia, mantivo esta mañá unha reunión en Viveiro con afiliados que exerceron como apoderados e interventores do partido nas pasadas eleccións autonómicas. Xunto con Candia, interviñeron neste acto o vicesecretario do Partido Popular Jaime de Olano (deputado nacional), e o portavoz municipal en Viveiro, Óscar Rodríguez. Todos eles expresaron o seu agradecemento aos asistentes polo traballo realizado e destacaron o magnífico resultado conseguido nas pasadas eleccións, nas que o PP en Lugo pasou de 8 a 9 deputados e conseguiu máis do 50% dos votos.
No transcurso da reunión, Candia e Jaime de Olano fixeron referencia á situación pola que atravesa Alcoa-San Cibrao, e a profunda incidencia que terá na comarca o seu peche, se finalmente, e a causa do desinterese do Goberno central, se chega a producir. Candia fixo especial fincapé en que os traballadores tiveron que encadearse na Subdelegación do Goberno en Lugo para conseguir a convocatoria da mesa multilateral. Deste xeito, apuntou, queda claro que o Goberno non ten ningunha intención de adoptar as medidas necesarias, que son aquelas encamiñadas a garantir un prezo da enerxía eléctrica estable, asequible e competitivo.
Candia tamén se referiu á postura mantida polo Bloque. Despois de asegurar unha e outra vez que o seu apoio ao Goberno central tiña, entre outros, o obxectivo de salvar Alcoa-San Cibrao, finalmente non conseguiu nada. Recordou que o Goberno comprometeuse a semana pasada a remitir aos representantes dos traballadores “documentación esencial”, que a fecha de hoxe aínda non recibiron. “Son exemplos de que unha cousa é facer política e outra é dar respostas e solucións”, declarou Candia.
A presidenta provincial do PP expresou que o compromiso dos populares cos lucenses segue sendo traballar pola solución dos problemas que lles preocupan, e facelo dicindo a verdade e facendo xestión
Pola súa parte, Jaime de Olano lembrou que o PP leva presentadas no Congreso e no Senado decenas de iniciativas relacionadas con Alcoa. Destacou que o problema de Alcoa non é industrial, senón enerxético, ámbito no que só o Goberno de España é competente. Manifestou que o presidente Pedro Sánchez non deixou de mentir neste asunto. Primeiro dicía que no se podía aprobar un estatuto da industria electrointensiva, para conseguir un prezo estable e competitivo de la enerxía eléctrica, porque era un Goberno en funcións; despois apelou a que non podía aprobar o estatuto en medio dun proceso electoral, e agora négase -sinalou Jaime de Olano- a aprobar as medidas que propoñen a Xunta, os sindicatos e as Comunidades de Asturias e Cantabria.
Polo seu lado, o portavoz municipal, Óscar Rodríguez, explicou o traballo realizado polo grupo municipal desde o inicio do mandato e trazou algunhas das liñas que seguirá o PP de Viveiro nos próximos meses, sempre baixo o lema de “traballo, traballo e traballo”
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
