Burela, 27 de xullo de 2020. Para Alfredo Llano, alcalde de Burela, o brote de coronavirus está estable e controlado. En total na Mariña a día de hoxe hai 51 casos positivos e 337 persoas que están confinadas nas súas casas por teren estado en contacto estreito cos activos. O rexedor burelés agarda que a evolución siga indo a bo ritmo para que tanto Burela como A Mariña recuperen a nova normalidade a partires do vindeiro xoves.
Llano dixo que “tras a nova vídeo conferencia que mantivemos esta mañá podemos dicir que está estable o control do coronavirus nesta zona. Agora mesmo hai en toda a Mariña 51 casos activos, o mesmo número ca onte. Fixéronse 4.610 PCR, que é significativo da cantidade de probas que se están a facer. Onte, por exemplo, realizáronse 185. E hai 337 persoas que están confinadas, son xente que igual ten síntomas ou non ou está agardando ao desenvolvemento da enfermidade”.
O alcalde indicou que “en Burela temos 23 activos, pero vaise dar hoxe unha alta e imos quedar no mesmo número que tiñamos, é dicir 22, e temos arredor de 170 persoas en seguimento”.
O rexedor burelés pensa que “estamos indo ben, aínda que vai lento, pero todo está moi controlado e moi vinculado ao primeiro brote que tivemos aquí na Mariña. E si houbo algún caso máis enseguida estivo acotado, iso é o que hai que facer agora actuar con prontitude, que é está a facer o Hospital da Mariña”.
Para Alfredo Llano “iso permítenos confiar que en poucos días cheguemos a un número de casos de pouca preocupación, algo que indicará que aquí na Mariña e concretamente en Burela se están a facer cousas ben”.
E engadiu que “agora haberá que agardar ata o mércores, que teremos a reunión por vídeo conferencia ás 11:30 horas. O comité de expertos terá que dicir cómo ve a evolución do brote e agardemos volver á nova normalidade, que se recuperen os aforos, os horarios, que se poidan abrir os parques e as prazas e que poidamos xa darlle unha certa normalidade a todo isto, porque xa vai facendo falta”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
