Mañón, 29 de xullo, 2020. O sábado 1 de agosto, levarase a cabo a segunda parte de Petiscos do Camiño dos arrieiros lendas, patrimonio e biodiversidade. Actividade organizada por Nordés co obxectivo de dar a coñecer algúns dos puntos de interese desa ruta ancestral que comunicaba o porto de Vares con As Pontes, e que servía de eixo relacional e comercial ata que se abriron novos camiños e estradas e os medios de transporte foron evolucionando, levando a esta verea ata case a súa desaparición. Visitaremos:
09:20h. Punto de inicio: Reitoral de San Mamede das Grañas do Sor. Igrexa de Santa María de Mañón. Campo de Mámoas da Coriscada. Necrópole de Penabranca. Garita de Maeda
14:00h. Punto final: Porto de Bares
De novo contaremos con varias persoas expertas en distintos campos que teñen relación co patrimonio etnográfico, cultural, artístico-histórico e natural que se pode atopar ao longo do camiño e ás suas beiras, para seguir adiante neste proceso de recuperación que vai tomando forma pouco a pouco, e que esperamos dé os seus froitos a curto-medio prazo de tal xeito que o Camiño dos Arrieiros volte a ter nova vida, axudando así a que a bisbarra recupere alento con este proxecto de desenvolvemento longo tempo desexado.
Estarán con nós:
– Xosé María López Fernández, Documentalista e Técnico en Xestión Cultural de CULTUREUME SC.
– Antonio Martínez Pernas, Técnico Superior en Xestion e Organización dos Recursos Naturais
– Pepe Riola, investigador etnográfico das serras da Capelada e a Faladora.
– Probablemente, na Igrexa de Santa María de Mañón poderemos escoitar a Clotilde Lemoine, Conservadora-Restauradora de bens culturais.
A xornada é de balde para as persoas asociadas a Nordés e ten un custe de 2€ para aquelas que non o son.
A cantidade recaudada nesta actividade máis 50€ da asociación, serán doados, neste caso, ao Banco de Alimentos de Lugo. Este acto encádrase nunha decisión da asociación, consciente da complicada situación social na que nos atopamos, que se prolongará nas seguintes actividades.
IMPORTANTE: A asistencia está limitada a 25 persoas que terán que empregar os seus vehículos particulares para desprazarse.
Durante a actividade deberán seguirse as medidas de seguridade e hixiene establecidas polas autoridades sanitarias para a prevención da COVID-19: empregar máscara, manter as distancias de seguridade interpersoal, etc.
Para anotarse: En asociacion.nordes@gmail.com indicando o teu nome das persoas que van asistir. Chamando ao 653756454 (Ricardo).
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
